Bakı/06.05.19/Turan: Bazar ertəsi Azərbaycan Müdafiə Nazirliyi rəhbərliyinin Belarus Silahlı Qüvvələri Baş Qərargah rəisi Oleq Belokonevun rəhbərlik etdiyi nümayəndə heyətilə görüşündə Bakı və Minsk arasında hərbi-texniki əməkdaşlıq məsələləri müzakirə edilib.
Belarus nümayəndə heyətini Azərbaycan Silahlı Qüvvələri Baş Qərargah rəisi Nəcməddin Sadıqov və müdafiə naziri Zakir Həsənov qəbul edib.
Müdafiə Nazirliyinin mətbuat xidmətinin məlumatına görə, tərəflər Azərbaycan Silahlı Qüvvələrinin döyüş qabiliyyətinin artırılması üçün müxtəlif növ Belarus silahlarının təchizatına dair yeni iri layihələrin reallaşması məsələlərini nəzərdən keçiriblər.
"Biz əminik ki, Belarus Respublikası bundan sonra da Ermənistan-Azərbaycan münaqişəsində Azərbaycanın ədalətli mövqeyini dəstəkləyəcək", - N.Sadıqov vurğulayıb.
Öz növbəsində A.Belokonev qeyd edib ki, Minsk Azərbaycanın ərazi bütövlüyünü dəstəkləyir, Müdafiə Nazirliyinin mətbuat xidmətinin məlumatında deyilir. -02D-
Siyasət
-
Yanvarın 6-da Fransa prezidenti Emmanuel Makron səfirlərin konfransında çıxış edərək, Rusiyanın Ermənistanla «müttəfiqlik münasibətlərini dəyişdiyini» və «Dağlıq Qarabağda Azərbaycanı dəstəklədiyini» bildirib.
-
Bu gün Bakı Ağır Cinayətlər Məhkəməsində ictimai fəal Nicat İbrahimin cinayət işi üzrə məhkəmənin hazırlıq iclası başlayıb.
-
Həbsdə olan hüquq müdafiəçisi Rüfət Səfərovun anası Tahirə Tahirqızı yanvarın 6-da şahid qismində ifadə vermək üçün Bakı Şəhər Baş Polis İdarəsinə istintaqa çağırılıb. Ancaq o, ifadə verməkdən imtina edib. Bu barədə Turan-a Tahirqızı özü bildirib.
-
Yanvarın 29-da keçiriləcək bələdiyyə seçkilərində 16 min 174 namizəd qeydiyyata alınıb. Bu barədə Mərkəzi Seçki Komissiyasının sədri Məzahir Pənahov bugünkü iclasda bildirib.
Rəy yaz