Azərbaycan Çinlə əməkdaşlığı genişləndirir

Bazar ertəsi dövlət başçısı İlham Əliyev Çin Kommunist Partiyası Mərkəzi Komitəsinin Siyasi Bürosunun daimi üzvü, Çin Xalq Respublikası Dövlət Şurası sədrinin birinci müavini Can Qao Llinin rəhbərlik etdiyi nümayəndə heyətini qəbul edib.

“Biz Çin Xalq Respublikası ilə münasibətlərin inkişafına böyük önəm veririk” - deyən dövlət başçısı iki ölkə arasında siyasi əlaqələrin yüksək səviyyədə olduğunu, iqtisadi, humanitar, energetika, nəqliyyat və digər sahələrdə əməkdaşlığın inkişaf etdiyini bildirib.

deyən dövlətimizin başçısı əmin olduğunu bildirdi ki, bu səfər dostluq münasibətlərinin genişlənməsində daha bir mühüm addım olacaq. O qeyd edib ki, son vaxtlar Çİndən Azərbaycana yüksək vəzifəli şəxslərin səfəri əlaqələrin yaxşı nümunəsidir.

Azərbaycan Şanxay Əməkdaşlıq Təşkilatında dialoq üzrə tərəfdaş statusunu almasını bu təşkilata tam inteqrasiya olunmaq istiqamətində ilkin addım kimi dəyərləndirir və bu təşkilat ilə əməkdaşlıq Azərbaycanın xarici siyasətində mühüm yer tutur.

Azərbaycan Çin ilə terrorizm və ekstremizmlə mübarizədə əməkdaşlığa böyük önəm verir. Azərbaycan Çin ilə İpək Yolu infrastrukturunun yaradılması və inkişaf etdirilməsində birgə fəaliyyətdə maraqlıdır.

Azərbaycan Çindən Avropaya və əksinə malların daşınmasında mühüm tranzit rolunu oynamağa hazırdır. Bunun üçün ölkədə dəmir yolunun, həmçinin Xəzər hövzəsində ən böyük yeni dəniz limanının inşası və burada azad iqtisadi zonanın yaradılması istiqamətində tədbirlər görülür və Azərbaycan bu işlərdə Çin şirkətlərinin fəal iştirakında maraqlıdır.

İ. Əliyev ölkələr arasında turizm, mədəniyyət, təhsil, enerji, nəqliyyat, yüksək texnologiyalar, kənd təsərrüfatı, rabitə-kommunikasiya texnologiyaları və digər istiqamətlərdə əməkdaşlığın inkişafı üçün yaxşı potensialın olduğunu vurğulayıb.

Öz növbəsində Can Qao Li regional təhlükəsizlik sahəsində əməkdaşlığın vacibliyini qeyd edib.

“Biz Çin şirkətlərini Azərbaycan iqtisadiyyatına investisiya qoymağa təşviq edəcəyik”, - qonaq vurğulayıb. O qeyd edib ki, Çin Böyük İpək Yolunun bərpasında, eyni zamanda, sənaye istehsalı, neft-qaz sektoru, maşınqayırma, yüksək texnologiyalar, infrastruktur, təhsil, mədəniyyət, turizm və digər sahələrdə Azərbaycan ilə əməkdaşlığın genişləndirilməsində maraqlıdır. 

Can Qao Li bildirib ki, Çin Azərbaycanın müstəqilliyini, suverenliyini və ərazi bütövlüyünü daim dəstəkləyib və dəstəkləyir.-02D-