Azərbaycan düşmənə qalib gəlib, amma rüşvətxorluğa qalib gələ bilmədik - Sabir Rüstəmxanlı
Bakı/21.10.21/Turan: Hakimiyyət müxalifətin təkliflərinə daha ciddi yanaşmalıdır, müxalifət də hakimiyyətlə birlikdə Qarabağla bağlı məsələlərin həllində iştirak etməlidir. Bu barədə cümə axşamı Vətəndaş Həmrəyliyi Partiyasının lideri, parlamentin deputatı Sabir Rüstəmxanlı hakim Yeni Azərbaycan Partiyasının təşkil etdiyi dəyirmi masada bildirib.
Qarabağ müharibəsində qələbədən bir il keçdiyini xatırladan Rüstəmxanlı xalqın sevincinə kölgə salan, onun etimadını sarsıdan amillər olduğunu və onların aradan qaldırılmalı olduğunu deyib.
"Biz müharibədən sonra yeni dövr arzulayırdıq. Əvvəlcə belə də oldu, amma sonradan məmurların kabinetləri xalqın üzünə bağlandı. Vəzifəli şəxslər öz məsuliyyətlərini unudurlar.
Biz düşmənə qalib gəldik, amma bürokratiyaya, rüşvətxorluğa qalib gələ bilmədik. Yəqin ki, bunun üçün də 44 günlük müharibə lazımdır. Məmur tərifdən, riyakarlıqdan, ikiüzlülükdən uzaq olmalıdır", deyə Rüstəmxanlı bildirib.
Digər tərəfdən, siyasi partiyalar arasında birlik olmalıdır. Dialoq dekorativ xarakter daşımamalıdır, hakimiyyət və müxalifət arasında böhtan olmamalıdır.
"Hakimiyyət sıravi vətəndaşlara daha yaxın olan müxalifətin qaldırdığı məsələlərə ciddi yanaşmalıdır. Müxalifət hakimiyyətlə birlikdə Qarabağ məsələsində, quruculuq işlərində iştirak etməlidir", deyə Rüstəmxanlı qeyd edib.
Dəyirmi masanın işində digər siyasi partiyaların nümayəndələri də iştirak edib. Amma, əvvəllər də olduğu kimi, hakimiyyət ölkənin əsas müxalif qüvvələrini - Xalq Cəbhəsi və Müsavat partiyalarını unudub. -06D-
-
- Mədəniyyət
- 21 Oktyabr 2021 16:59
-
- Siyasət
- 21 Oktyabr 2021 17:40
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz