Açiq mənbələrdən foto.
Bakı/13.04.23/Turan: Azərbaycanın müdafiə nazirinin müavini və Hərbi Hava Qüvvələrinin komandanı Ramiz Tahirovun ABŞ-a səfəri davam edir.
Bazar ertəsi o, ABŞ Hərbi Hava Qüvvələri Milli Qvardiya Bürosunun rəis müavini general-leytenant Mark Sasevillə görüşüb.
Hərbi Hava Qüvvələri Bürosunun rəhbəri Daniel Hokanson Tvitter hesabında bildirib ki, görüşdə 2002-ci il dövlətlərarası tərəfdaşlıq proqramı çərçivəsində hərbi sahədə uzunmüddətli ikitərəfli əməkdaşlıq məsələləri müzakirə olunub.
Xatırladaq ki, bundan öncə Ramiz Tahirov Vaşinqtonda ABŞ Hərbi Hava Qüvvələrinin komandanı general Çarlz Braunla danışıqlar aparıb. Müdafiə Nazirliyinin mətbuat xidməti bildirib ki, tərəflər hərbi əməkdaşlıq və regional təhlükəsizlik məsələlərini müzakirə ediblər.
Qeyd edək ki, Azərbaycan Hərbi Hava Qüvvələri sisteminə hava hücumundan müdafiə qüvvələri də daxildir. 16D
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz