Açiq mənbələrdən foto.

Açiq mənbələrdən foto.

Bakı/17.05.22/Turan: İqtisadi Əməkdaşlıq Təşkilatının (İƏT) Parlament Assambleyasına sədrlik Pakistandan Azərbaycana keçib. Bu qərar bu gün Bakıda assambleyanın üçüncü ümumi konfransında qəbul edilib.

Milli Məclisin spikeri Sahibə Qafarovanın verdiyi məlumata görə, sədrliyi dövründə Azərbaycan təşkilatın məqsədlərinə nail olmaq üçün səy göstərəcək. Bu zaman koronavirus pandemiyasına qarşı mübarizə və onun nəticələrinin aradan qaldırılması məsələləri prioritetlər arasında olacaq.

"Azərbaycan pandemiyadan ən çox əziyyət çəkən ölkələrə kömək edib. İndi biz növbəti addımlara hazır olmalıyıq", deyə Qafarova bildirib.

Qeyd edək ki, tədbirdə İƏT PA-nın baş katibinin, Türkiyə, Pakistan, İran, Qazaxıstan, Özbəkistan, Tacikistan və Qırğızıstan parlamentlərinin başçılarının rəhbərlik etdiyi nümayəndə heyətləri iştirak edir.

İƏT 1977-ci ildə İran, Pakistan və Türkiyə tərəfindən regional təşkilat olaraq yaradılıb.

SSRİ dağıldıqdan sonra Azərbaycan, Mərkəzi Asiya ölkələri - Qazaxıstan, Qırğızıstan, Tacikistan, Türkmənistan və Özbəkistan, həmçinin Əfqanıstan təşkilata daxil olub.  -06В- 

Rəy yaz

Siyasət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti