
Açiq mənbələrdən foto.
Azərbaycan İqtisadi Əməkdaşlıq və İnkişaf Təşkilatının, Avropa Şurasının diqqətini Ermənistanın transsərhəd çayları çirkləndirməsinə yönəldib
Bakı/01.08.23/Turan: Azərbaycanın baş prokuroru Araz və Oxçuçay transsərhəd çaylarının Ermənistan tərəfindən çirkləndirilməsilə bağlı İqtisadi Əməkdaşlıq və İnkişaf Təşkilatına, Avropa Şurasına müraciət edib.
Baş Prokurorluğun mətbuat xidməti bildirib ki, müraciətdə Ermənistanın iri mədən müəssisələri - Qacaran mis-molibden zavodu və Qafan filiz emalı kombinatı tərəfindən transsərhəd Oxçuçayın intensiv şəkildə çirkləndirildiyi qeyd olunur.
Həmçinin Yerasx (Arazdəyən) kəndində iri metallurgiya zavodunun Azərbaycan tərəfilə məsləhətləşmələr aparılmadan tikilməsi, bu zaman ətraf mühitin mühafizəsi normalarının pozulması diqqətə çatdırılır.
Müraciətdə Birləşmiş Millətlər Təşkilatının Transsərhəd Su Məcraları və Beynəlxalq Göllərin mühafizəsi və Espoo (Ətraf Mühitə təsirin ölçülməsi) konvensiyalarının, eləcə də, ətraf mühitin mühafizəsinin tələblərinə dönmədən riayət edilməsi, dağ-mədən obyektlərinin işinin düzgün təşkili normalarına əməl olunması və ətraf mühitə dəymiş ziyanın müəyyənləşdirilməsində ölkəmizin səlahiyyətli qurumları ilə əməkdaşlığın vacibliyi vurğulanıb.06В0
Rəy yaz