Bakı/28.01.20/Turan: Yanvarın 28-də Nazirlər Kabinetində koronavirus epidemiyasına qarşı qabaqlayıcı tədbirlərin görülməsi ilə bağlı müşavirə keçirilib.
Müşavirə baş nazirin sədrliyi və bir neçə idarə rəhbərinin iştirakı ilə keçirilib. Koronovirusun ölkə ərazisinə daxil olmasının qarşısının alınması üçün tədbirlərin həyata keçirilməsi qərara alınıb:
- sərhəd-keçid məntəqələrində gücləndirilmiş iş rejiminə keçilməsi;
- Çindən gələn bütün şəxslərin mütləq şəkildə tibbi müayinədən keçirilməsi və nəzarətə alınması;
- xüsusi riskli hesab olunan və virusun keçə biləcəyi ərzaq məhsullarının siyahısının hazırlanması və ərzaq bazarında həmin məhsullara nəzarətin gücləndirilməsi;
- səhiyyə ocaqlarında “qaynar xət”lərin yaradılması;
- maarifləndirmə işlərinin aparılması və vəziyyətlə bağlı əhalinin müntəzəm məlumatlandırılması.
Müşavirədə qeyd olunub ki, epidemiyaya qarşı mübarizə üçün ölkədə
ölkədə kifayət qədər tibbi ləvazimat var. Hazırda ölkədə bu virusa yoluxma halları yoxdur. -02D-
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz