Azərbaycan mühakimə edilmiş jurnalistləri çox olan ölkələr sırasındadır
Paris/18.04.19/Turan: "Sərhədsiz reportyorlar" təşkilatı dünyada ənənəvi mətbuat azadlığı indeksini açıqlayıb. İndeks müxtəlif ölkələrdə mətbuatın və jurnalistlərin vəziyyətini, informasiyanın sərbəst əldə edilməsi, ifadə olunması və yayılması üçün imkanları nümayiş etdirir.
Məlumatda qeyd olunur ki, keçmiş SSRİ məkanında azad mətbuat ilə bağlı vəziyyət ağır olaraq qalır. Rusiya və Azərbaycanda həbsxanalarda çoxlu jurnalist və bloger var. Araşdırmaçı jurnalistlərin durumu daha ağırdır.
Bu il Azərbaycan dünya üzrə 166-cı yeri tutur, ötən illə müqayisədə üç bənd enib.
Azərbaycanda vəziyyətə dair hesabat "Sonuncu tənqidçi səslərə qarşı elan olunmamış müharibə" adlanır.
"Plüralizmin bütün formalarını boğmaqla qane olmayan ölkə hakimiyyəti 2014-cü ildən bu yana qalan KİV-lərə qarşı amansız müharibə aparır. Təzyiqlərə, döyülməyə, şantaj və ya rüşvətə uymayan müstəqil jurnalistləri və blogerləri absurd ittihamlarla həbsə alırlar. "Zerkalo" və "Azadlıq" kimi müstəqil KİV-lər iqtisadi yolla susdurulub. "Azadlıq" radiosu zorla qapadılıb.
Əsas müstəqil xəbər saytları bloklanıb. Xaricdə olub müqavimət göstərməkdə davam edənləri susdurmağa cəhdlər edilir, hakimiyyət onların Azərbaycanda qalan ailə üzvlərini təqib edir.
Rejim həmçinin Gürcüstanda və Ukraynada jurnalistləri saxlamaqla, Fransada iddia irəli sürməklə öz repressiyalarını ixrac edib. Bu rejim yalnız təzyiq altında geri çəkilir və belə təzyiq hər zaman olduğundan daha çox lazımdır", - Azərbaycana dair hesabatda deyilir.-02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz