Azərbaycan prezidenti Aİ ilə əməkdaşlıq üzrə Dövlət Komissiyasının yeni tərkibini formalaşdırıb

Bakı/15.02.19/Turan: Prezident İlham Əliyev Azərbaycan və Avropa İttifaqı arasında əməkdaşlıq üzrə Dövlət Komissiyasının yeni tərkibini təsdiqləyib. İqtisadiyyat naziri Şahin Mustafayev yenidən komissiyanın sədri təyin edilib.

Komissiyaya Aİ-Azərbaycan parlamentlərarası əməkdaşlıq komitəsinin sədri, Prezident Administrasiyasının xarici siyasət məsələləri, qanunvericilik və hüquqi ekspertiza, hüquq-mühafizə orqanları ilə iş, aqrar məsələlər şöbələrinin müdirləri daxil olub.

Həmçinin komissiyaya fövqəladə hallar, rabitə, xarici işlər, daxili işlər, kənd təsərrüfatı, səhiyyə, təhsil, energetika, vergilər, mədəniyyət və ədliyyə nazirlərinin müavinləri daxil edilib.

Bundan əlavə, bir sıra dövlət komitələrinin, xidmətlərin rəhbərlərinin müavinləri, baş prokuroru müavini, Dövlət Təhlükəsizlik Xidməti Baş İdarəsinin rəisi və digərləri daxli olub.

Ümumilikdə, komissiyaya 40-a yaxın vəzifəli şəxs daxil olub.-06D--