![Açiq mənbələrdən foto.](https://turan.az/resized/750/500/resize/media/2021/main/102100039868.jpg)
Açiq mənbələrdən foto.
Azərbaycan Qarabağa qanunsuz yük daşıyan iki İranlı sürücünü azad edib
Bakı/21.10.21/Turan: Azərbaycan tərəfi sentyabrda Qarabağa qanunsuz keçdiklərinə və qaçaqmalçılıq yolu ilə yük daşıdıqlarına görə həbs etdiyi iki İran vətəndaşını bu ölkəyə qaytarıb.
“Azərbaycan Respublikası humanizm, qarşılıqlı hörmət və mehriban qonşuluq prinsiplərindən çıxış edərək və xoş niyyət nümayiş etdirərək, İran İslam Respublikasının vətəndaşları Barzegar Haghı Jafar Ghazanfar və Norouzı Shahroud Heıdarı müvafiq razılaşmaya əsasən oktyabrın 21-i səhər saatlarında öz ölkələrinə qaytarıb”, deyə Azərbaycan Dövlət Gömrük Komitəsinin məlumatında bildirilir.
Bu şəxslər sentyabrın 16-da saxta sənədlərlə Xankəndinə qanunsuz keçdiklərinə, həmçinin Azərbaycan dövlət sərhədini müəyyən edilmiş sənədlər olmadan və nəzarət-buraxılış məntəqələrindən kənarda keçdiklərinə görə həbs ediliblər. Azərbaycan Gömrük Komitəsi onlara qarşı 206.3.2 və 318.2-ci maddələrlə cinayət işi açıb.
İran tərəfi həbs olunan şəxsləri təhvil vermək tələbi ilə Azərbaycana təzyiq göstərməyə çalışıb. Amma sərhəddə hərbi təlimlər, Tehrandan gələn təhdidlər heç bir rol oynamayıb. İran Azərbaycanın tələblərini qəbul etmək məcburiyyətində qalıb və oktyabrın 20-də rəsmi olaraq öz sürücülərinə Azərbaycan sərhədini pozmağı və Qarabağa getməyi, həmçinin Qarabağ separatçıları ilə ticarəti qadağan edib. Yalnız bundan sonra həbs edilən şəxslər azad edilib. -02D-
-
- İqtisadiyyat
- 21 Oktyabr 2021 10:43
-
- Maliyyə
- 21 Oktyabr 2021 11:15
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz