![Açiq mənbələrdən foto.](https://turan.az/resized/750/500/resize/media/2021/main/080500036515.jpg)
Açiq mənbələrdən foto.
Azərbaycan Türkiyəyə daha bir qrup yanğınsöndürən və amfibiya-təyyarə göndərib
Bakı/05.08.21/Turan: Azərbaycan Fövqəladə Hallar Nazirliyi meşə yanğınlarını söndürmək üçün Türkiyəyə "Be-200ÇeSe" tipli amfibiya- təyyarə göndərib. Bundan əlavə, bu gün Azərbaycan Fövqəladə Hallar Nazirliyinin yanğın-xilasetmə qüvvələrinin üçüncü qrupu Türkiyəyə yola düşüb.
Qrupa 40 ədəd yanğın texnikası və 150 yanğınsöndürən daxildir.
Azərbaycan Fövqəladə Hallar Nazirliyinin 150 nəfərdən ibarət komandası iki dəstəyə bölünüb, bundan sonra Muğlanın Kavaklıdərə və Menteşe qəsəbələrinə yola düşüb.
Bundan öncə iyulun 30-da Fövqəladə Hallar Nazirliyinin yanğın-xilasetmə qüvvələrinin 100 əməkdaşından ibarət ilk qrup Türkiyəyə gedib.
İyulun 31-də Türkiyəyə daha bir yanğın-xilasetmə qrupu göndərilib. Oraya 1 vertolyot, 54 ədəd texnika, həmçinin 247 nəfər şəxsi heyət daxil olub.
Ötən gün Türkiyə prezidenti Rəcəb Tayyib Ərdoğan bildirib ki, son 8 gün ərzində Türkiyədə 187 meşə yanğını baş verib. Onlardan çoxunu lokallaşdırmaq mümkün olub. "Onlardan 15-i (187 meşə yanğınından) hazırda davam edir, bu yanğınlardan bəzisi nəzarət altına alınıb", - o bildirib.
Prezidentin sözlərinə görə, Türkiyədə meşə yanğınlarının söndürülməsinə 20 təyyarə və 51 vertolyot cəlb edilib.
O qeyd edib ki, Azərbaycan prezidenti İlham Əliyev meşə yanğınlarının söndürülməsi üçün Bakının Türkiyəyə daha bir təyyarə- amfibiya göndərmək niyyətində olduğunu bildirib.
Prezident əlavə edib ki, Türkiyənin hüquq-mühafizə orqanları yanğınların başvermə səbəblərini diqqətlə araşdırırlar.—06D-
-
- Siyasət
- 5 Avqust 2021 12:11
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz