![Azərbaycan və ABŞ hərbi təhsil sahəsində əməkdaşlığı genişləndirəcəklər](https://turan.az/resized/media/2018/main/120500015282-750-500-resize.webp)
Azərbaycan və ABŞ hərbi təhsil sahəsində əməkdaşlığı genişləndirəcəklər
Bakı/05.12.18/Turan: Azərbaycan və ABŞ hərbi-texniki sahədə və hərbi təhsil sahəsində əməkdaşlığın genişləndirilməsində maraqlıdır. Bu barədə Azərbaycanın müafiə naziri Zakir Həsənov dekabrın 4-də ABŞ Müdafiə nazirinin müavininin müşaviri Laura Kuperin başçılıq etdiyi nümayəndə heyəti ilə görüşdə bildirib.
Müdafiə Nazirliyinin mətbuat xidmətinin məlumatına görə, Həsənov iki ölkə arasında hərbi münasibətlərin uğurla inkişaf etdiyini qeyd edib və Azərbaycan hərbiçilərinin NATO-nun Əfqanıstanda "Qətiyyətli dəstək" qeyri-döyüş missiyasında iştirakına diqqət çəkib.
Nazir qeyd edib ki, ABŞ-ın qabaqcıl hərbi təhsil müəssisələrində təhsil alan Azərbaycanlı zabitlərin sayının artırılması qərara alınıb.
Öz növbəsində, L.Kuper qeyd edib ki, ABŞ hökuməti təhlükəsizlik və müdafiə sahəsində Azərbaycanla əməkdalığın genişləndirilməsində və möhkəmləndirilməsində maraqlıdır. Azərbaycanın Əfqanıstandakı əməliyyata verdiyi töhfəni yüksək qiymətləndirən Kuper ABŞ-ın müdafiə naziri Ceyms Mettisdən sitat gətirib: "Bu gün Əfqanıstanda əldə edilmiş uğurlar Azərbaycanın güclü dəstəyi olmadan mümkün olmazdı".
Qonaq Azərbaycanın terrorizmə qarşı mübarizədə iştirakını və Azərbaycan sülhməramlılarının Əfqanıstandan nümunəvi xidmətini xüsusi vurğulayıb.
Görüşdə tərəflər Azərbaycan və ABŞ arasında hərbi münasibətlərin inkişafı perspektivlərini, xüsusən təhlükəsizlik və müdafiə sahəsində əməkdaşlığı, habelə hərbi təhsil və tibbi hazırlıq məsələlərini müzakirə ediblər. -06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz