Azərbaycan və Ermənistan ekspertləri Cənubi Qafqazda sülh axtarışındadırlar

Bakı/28.06.22/Turan: Azərbaycan və Ermənistanın 11 müstəqil ekspertindən və ictimai rəy formalaşdıran şəxslərindən ibarət Cənubi Qafqazda möhkəm sülhə dəstək üçün etimadın gücləndirilməsi tədbirləri üzrə Ermənistan-Azərbaycan birgə əlaqə qrupu (JOLIG) 27-28 iyun tarixlərində öz fəaliyyətlərinə nəzər salmaq və qrupun etimadın gücləndirilməsi tədbirləri üzrə işinin Cənubi Qafqazda möhkəm sülhün bərqərar edilməsinə yönəlmiş səylərə necə təsir edə biləcəyi ilə bağlı strategiyasını razılaşdırmaq üçün Gürcüstanın Kaçreti şəhərində bir araya gəliblər.

İştirakçılar iki ölkə hökumətinin beynəlxalq oyunçuların dəstəyi ilə Ermənistan və Azərbaycan arasında münasibətlərin normallaşdırılması üçün lazımi şəraitin yaradılmasına yönəlmiş tədbirlərini müzakirə ediblər. Onlar hər iki ölkənin rəhbərliyini məqsədyönlülüyü və bu missiyaya sadiqliyi qoruyub saxlamağa çağırıblar.

İştirakçılar davam edən beynəlxalq proseslərdən, xüsusilə bütün Şərq Tərəfdaşlığı ölkələri üçün, habelə Avropanın təhlükəsizliyi və qlobal təhlükəsizlik üçün nəticələri olan Ukraynadakı müharibədən irəli gələn ciddi təhlükəni etiraf ediblər. Onlar münaqişənin tezliklə başa çatacağına və Ukraynada sülhün bərpa ediləcəyinə ümid etdiklərini bildiriblər.

Qrup etimadın gücləndirilməsi üzrə tədbirlərinin Ermənistan-Azərbaycan münasibətlərinin hazırki vəziyyətində həyata keçirilməsinin zəruri olduğuna və əvəzolunmaz olduğuna əminliyini vurğulayıb, belə ki, Ermənistan və Azərbaycan hökumətləri aralarındakı mübahisələr və fikir ayrılıqları üçün dinc həll yolları axtarırlar.

Qrup 2 aprel 2022-ci il tarixində dərc edilmiş "Cənubi Qafqaz müharibədən sülhə doğru, 2030-cu ilə qədər 30 tədbir" adlı məruzəsinə reaksiyanı qiymətləndirib. Qrup regionda və beynəlxalq ictimaiyyətdə, xüsusən aprelin 25-də Bakıda və mayın 30-da Yerevanda keçirilmiş təbliğat müşavirələrində məruzəyə əsasən müsbət reaksiya olduğunu qeyd edib.

Qrup 31 dekabr 2025-ci ilə qədər mövcud tərkibdə qalmaq qərarına gəlib və növbəti altı aylıq müddət ərzində regionda davam edən sülh səylərinə dəstək üçün atacağı addımları müəyyən edib.

Qrup dialoq və etimad yaratmaqla, yanlış anlayışı azaltmaqla cari sülh səylərinə töhfə verməsi üçün ən yaxşı üsulları müəyyən etmək üçün Ermənistan və Azərbaycan hökumətləri və digər maraqlı yerli, regional və beynəxalq tərəflərlə əlaqələri fəallaşdırmaq qərarına gəlib. Qrup həmçinin sülh proseslərinin Ermənistanda və Azərbaycanda daha yaxşı başa düşülməsini təmin etmək üçün kütləvi informasiya vasitələri və vətəndaş cəmiyyəti şəbəkələri ilə qarşılıqlı fəaliyyətini davam etdirəcək.

Ermənistan-Azərbaycan Birgə Əlaqə Qrupunun üzvləri Əhməd Əlili, Mehman Əliyev, Stepan Qriqoryan, Taron Ovannissıan, Şəhla İsmayıl, Samir Məmmədov, Qevorq Melikyan, Conni Melikyan, Benyamin Poqosyan, Ramazan Səmədov və Anar Vəliyevdir.

Kaçretidəki görüşün iştirakçıları daimi iştirakına və Cənubi Qafqazda etimadın gücləndirilməsi prosesinə yardımına görə LINKS Europe-yə, həmçinin təşəbbüslərini dəstəklədiyi üçün Avropa İttifaqına təşəkkürlərini bildiriblər. LINKS Europe-nin və Aİ-nin Cənubi Qafqaz üzrə Xüsusi Nümayəndəsinin nümayəndələri Kaçretidəki görüşdə iştirak ediblər və müzakirələrə fəal şəklidə töhvə veriblər.

Əlavə məlumat almaq üçün office@links-europe.eu vasitəsilə və ya alternativ olaraq,

Bakıda: Əhməd Əlili (+994 50 266 0728)

Yerevanda: Benyamin Poqosyan (+375 99 532870)

Aİ-də: Malsimilian van Lanqe (+31 6 38540975) ilə əlaqə saxlaya bilərsiniz.

или, в качестве альтернативы,

Ermənistan-Azərbaycan Birgə Əlaqə Qrupu haqqında daha ətraflı məlumatı https://www.commonspace.eu/event/armenian-and-azerbaijani-expert-group-proposes-30-confidence-building-measures-support ünvanında əldə edə bilərsiniz. –06В-