Açiq mənbələrdən foto.

Açiq mənbələrdən foto.

Bakı/13.05.22/Turan: Mayın 12-də İran Gömrük Təşkilatının rəhbəri bildirib ki, Azərbaycan ilə 3 əməkdaşlıq protokolu imzalanıb.

Protokolları Azərbaycan Dövlət Gömrük Komitəsinin sədri Səfər Mehdiyev və İran Gömrük Təşkilatının rəhbəri Əli-Rza Müqəddəsi imzalayıb.

İran Gömrük Təşkilatının rəhbəri Əli-Rza Müqəddəsi deyib ki, Culfada (İran) iki ölkənin gömrük rəsmiləri arasında imzalanan protokollar əməkdaşlıq, iqtisadi əməliyyat, gömrük prosedurları və ikitərəfli qarşılıqlı əlaqələrin səviyyəsini daha da inkişaf etdirəcək, sürətləndirəcək və koordinasiya edəcək.

Müqəddəsi bildirib ki, həmin protokollarda həmçinin İran, Azərbaycan və Rusiya arasında üçtərəfli tranzit haqqında razılıq əldə olunub.

Onun sözlərinə görə, mayın 12-də keçirilən görüşdən əvvəl İran gömrükçüləri Azərbaycan rəsmiləri ilə bir sıra görüşlər keçirib və onların nəticələri barədə İran Xarici İşlər Nazirliyi və Azərbaycan Respublikasına məlumat verilib.

İran Gömrük Təşkilatının rəhbəri bildirib ki, Azərbaycan rəsmiləri həmin protokolların maddələri ilə razılaşdıqlarını bildiriblər və hazırda üçtərəfli sazişin Tehranda imzalanmasına ehtiyac var. -03-

Rəy yaz

Siyasət

Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda



Audio xəbər

Bizi sosial şəbəkələrdə izləyin

Xəbər lenti