Açiq mənbələrdən foto.
Bakı/04.03.21/Turan: Azərbaycanın müdafiə naziri Zakir Həsənov və Pakistan Birləşmiş Qərargah Rəisləri Komitəsinin rəhbəri Nadim Raza hərbi sahədə əməkdaşlığın dərinləşdirilməsi və genişləndirilməsi məsələlərini müzakirə ediblər.
Müdafiə Nazirliyinin mətbuat xidmətinin məlumatına görə, Raza bildirib ki, pakistanlı mütəxəssislər azad edilmiş ərazilərin minalardan təmizlənməsində iştirak etməyə hazırdır. O həmçinin qeyd edib ki, iki ölkənin hərbi sahədə əməkdaşlığının keyfiyyətcə yeni müstəviyə çıxarılması üçün geniş potensial var.
Hər iki tərəf hərbi əməkdaşlığın möhkəmləndirilməsində səylərin daha da artırılmasının zəruriliyini qeyd edib, Azərbaycan və Pakistanın xüsusi təyinatlıları da daxil olmaqla, müxtəlif qoşun növlərinin iştirakı ilə birgə hərbi təlimlərin keçirilməsi barədə fikir mübadiləsi aparıblar.
Ötən gün prezident İlham Əliyev də Azərbaycanda üçgünlük səfərdə olan Nadim Razanı qəbul edərkən birgə təlimlərin keçirilməsinin vacibliyini bildirib. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz