Ceyhun Bayramov and Sergei Lavrov.
Bakı/29.01.21/Turan: Yanvarın 29-da Azərbaycan və RF XİN rəhbərləri Ceyhun Bayramovla Sergey Lavrov arasında telefon danışığı olub.
Nazirlər regionda mövcud vəziyyəti və 10 noyabr 2020-ci il və 11 yanvar 2021-ci il tarixli üçtərəfli bəyanatların yerinə yetirilməsini müzakirə ediblər, Azərbaycan XİN mətbuat xidməti məlumat yayıb.
Həmsöhbətlət ikitərəfli münasibətlərin müxtəlif aspektləri, həmçinin BMT, ATƏT və s. daxil olmaqla, beynəlxalq təşkilatlarda qarşılıqlı fəaliyyət barədə fikir mübadiləsi aparıblar.
Telefon danışığı zamanı qarşılıqlı maraq doğuran digər məsələlər də müzakirə olunub.
Ötən gün Lavrov Ermənistan XİN rəhbəri Ara Ayvazyanla da telefonla danışıb.
Xatırladaq ki, yanvarın 30-da Moskvada Azərbaycan, Ermənistan və Rusiya hökumətlərinin baş nazir müavinlərinin rəhbərliyi ilə regionda nəqliyyat kommunikasiyalarının açılması üzrə işçi qrupun görüşü keçiriləcək.—06D-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz