mod.gov.az
Bakı/01.05.21/Turan: Azərbaycan və Türkiyə hərbi-texniki əməkdaşlığı genişləndirmək niyyətindədirlər. Bu barədə aprelin 30-da Azərbaycanın müdafiə naziri Zakir Həsənovun Türkiyə Müdafiə Sənayesi Komitəsinin sədri İsmayıl Dəmirəlin başçılıq etdiyi nümayəndə heyəti ilə görüşündə bildirilib.
Görüşdə Türkiyənin STM, ROKETSAN, HAVELSAN şirkətlərinin və ASELSAN-Bakı ofisinin rəhbər heyətləri iştirak ediblər, Azərbaycan Müdafiə Nazirliyi məlumat verib.
Zakir Həsənov iki ölkə arasında yüksələn xətlə inkişaf edən uğurlu ikitərəfli hərbi və hərbi-texniki əməkdaşlığı qeyd edib.
Görüşdə Azərbaycan-Türkiyə ikitərəfli hərbi-texniki əməkdaşlığının aktual məsələləri, müasir döyüş əməliyyatlarının aparılmasının, əsasən Vətən müharibəsində əldə edilmiş döyüş təcrübəsinin yeni üsul və metodları nəzərə alınmaqla işlənib hazırlanmış yeni birgə layihələrin həyata keçirilməsi yolları müzakirə edilib. Əminliklə qeyd olunub ki, əsas diqqət Azərbaycan qoşunlarının texniki təchizatının daha da gücləndirilməsinə yönəldiləcək.—06D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz