Açiq mənbələrdən foto.
Bakı/15.09.20/Turan: Bu gün saat 14:00-da Gəncə şəhəri üzərində Azərbaycan və Türkiyə Hərbi Hava Qüvvələrinin nümunəvi uçuşları keçiriləcək. Uçuşlara hər iki ölkənin hərbi təyyarələri və vertolyotları cəlb ediləcək. Bu barədə Azərbaycan Müdafiə Nazirliyinin məlumatında deyilir.
Tədbir sentyabrın 15-də Bakının azad edilməsinin 102-ci ildönümünə həsr olunub.
102 il öncə Azərbaycan Xalq Cümhuriyyətinin 1918-ci il mayın 28-də elan etdiyi hökumət Bakının işğalı səbəbindən Gəncədə yerləşib.
Sentyabrın 15-də türkiyəli sərkərdə Nuru Paşanın rəhbərlik etdiyi Qafqaz İslam Ordusu və Azərbaycan Xalq Cümhuriyyəti milli ordusunun hissələri Bakını “Mərkəzi Xəzər diktaturası” (Sentrokaspi diktaturası) eser-menşevik hökumətinin qoşunlarından, erməni Daşnaksütyun Partiyasının və ingilis ekspedisiya qruplaşmasının silahlı dəstələrindən azad ediblər.
Bundan sonra AXC hökuməti paytaxta köçüb.–06D-
Siyasət
-
Çərşənbə axşamı ABŞ, Kaliforniyada yaşayan Almaniya və İran vətəndaşı Cəmşid Şarmaxdın İranda edam edilməsi barədə xəbəri pisləyib.
-
Oktyabrın 29-da Bakı Ağır Cinayətlər Məhkəməsi Azərbaycanda terror aktı planlaşdırmaqda ittiham olunan Əfqanıstan vətəndaşı Favzan Musa Xanı 10 il həbsə məhkum edib. Prosesə hakim Şəlalə Həsənova sədrlik edib.
-
Çərşənbə axşamı Vaşinqtonda Ukrayna prezidentinin baş köməkçisi və Bayden administrasiyasının yüksək vəzifəli şəxsləri ABŞ-ın Ukraynaya yardımını və Rusiyanın Kiyevə qarşı müharibəsində Şimali Koreyanın ehtimal olunan iştirakını müzakirə ediblər, - Turan-ın Vaşinqton müxbiri bildirib.
-
Bakı Ağır Cinayətlər Məhkəməsində fəal Zəka Mirağayevin işi üzrə məhkəmə istintaqı başa çatıb. Prosesə hakim Kamran Muxtarov sədrlik edib. Prokuror fəalın Cinayət Məcəlləsinin 234.4.3-cü (külli miqdarda narkotik maddə alveri) maddəsilə təqsirli bilinməsini və 7,5 il həbs cəzasına məhkum edilməsini təklif edib.
Rəy yaz