Açiq mənbələrdən foto.
Azərbaycan və Türkmənistan qitələrarası nəqliyyat dəhlizləri layihələrinin həyata keçirilməsi məsələsini müzakirə edirlər
Bakı/11.05.22/Turan: Mayın 10-da Azərbaycanın iqtisadiyyat naziri Mikayıl Cabbarov Aşqabadda Türkmənistan prezidenti Sərdar Berdıməhəmmədovla ticari-iqtisadi sahədə, yanacaq-energetika, nəqliyyat və telekommunikasiya sahələrində əməkdaşlığın genişləndirilməsi məsələlərini müzakirə edib.
Türkmənistan tərəfin rəsmi məlumatına görə, tərəflər "yük daşımaları üçün rahat quru və dəniz yollarını təmin edən qitələrarası tranzit dəhliz layihələrinin həyata keçirilməsinə" xüsusi diqqət yetiriblər.
Sərdar Berdıməhəmmədov yeni nəqliyyat dəhlizləri layihələrinin uğurla həyata keçirilməsi üçün hər iki dövlətin potensialından tam istifadə edilməsi zərurətini vurğulayıb.
Eyni zamanda, Türkmənistan və Azərbaycan iqtisadiyyatları üçün strateji əhəmiyyət kəsb edən energetika sahəsində münasibətlərin inkişaf etdirilməsinin vacibliyi qeyd edilib. -02D-
Siyasət
-
Sentyabrın 17-də Avropa Şurası Nazirlər Komitəsi Azərbaycan da daxil olmaqla, Avropa Şurasına üzv dövlətlərin Avropa Məhkəməsinin qərarlarını necə icra etməsi məsələsinə baxmaq üçün rüblük görüşünə başlayır.
-
Azərbaycan Respublikası Hesablama Palatasının ciddi qanunsuz fəaliyyət aşkar edən araşdırmalarından sonra Dənizkənarı Bulvar İdarəsinin keçmiş vəzifəli şəxslərinə qarşı cinayət işi açılıb. Hazırda Baş Prokurorluğun Korrupsiyaya qarşı Mübarizə İdarəsinin nəzarəti altında olan iş 2021-2023-cü illərdə külli miqdarda mənimsəmə və vəzifə səlahiyyətlərindən sui-istifadə ittihamları ilə bağlıdır.
-
Hacıqabul Rayon İcra Hakimiyyətinin başçısı Rüstəm Xəlilov tutduğu vəzifəsindən azad olunaraq Salyan Rayon İcra Hakimiyyətinin başçısı təyin edilib.
-
Ukraynadakı müharibəyə göndərilmək üçün Çeçenistanda saxlanılan Azərbaycan vətəndaşları əmək miqrantlarıdır. Bu barədə onlardan birinin - Nihad Rzayevin atası Tapdıq Rzayev bildirib.
Rəy yaz