![Açiq mənbələrdən foto.](https://turan.az/resized/750/500/resize/media/2023/main/081600065450.webp)
Açiq mənbələrdən foto.
Azərbaycan Xarici İşlər Nazirliyi Fransanın xarici işlər nazirinə cavab verib
Bakı/16.08.23/Turan: Azərbaycan Fransa xarici işlər nazirinin Laçın yolunun bağlanması və bunun Qarabağda humanitar böhrana səbəb olması ilə bağlı iddialarını rədd edir. Bu barədə Azərbaycan Xarici İşlər Nazirliyinin Fransanın xarici işlər naziri Ketrin Kolonun Ermənistanın xarici işlər naziri Ararat Mirzoyanla söhbəti zamanı səsləndirdiyi bəyanatlarla bağlı şərhində deyilir.
Azərbaycan hakimiyyəti Laçın yolunda vətəndaşların, avtonəqliyyat vasitələrinin və yüklərin təhlükəsizliyinə təminat verəcəyini, habelə Ermənistanın bu yoldan hərbi və qeyri-qanuni iqtisadi məqsədlər üçün sui-istifadə etməsinin qarşısını almağı öhdəsinə götürüb.
Fransa tərəfi yaxşı bilir ki, Beynəlxalq Qızıl Xaç Komitəsinin xətti ilə gün ərzində bu yolda onlarla erməninin hər iki istiqamətdə hərəkəti təşkil edilib. Bundan əlavə, Beynəlxalq Ədalət Məhkəməsi iyulun 6-da çıxardığı qərarla Ermənistanın Laçın sərhəd-keçid məntəqəsinin ləğvi tələbini rədd edib.
Əgər Ermənistan sakinlərinə həqiqətən də zəruri ehtiyac varsa, Azərbaycan tərəfi bunun üçün Ağdam-Xankəndi yolunu və digər alternativ yollar təklif edib. Şərhdə deyilir ki, Avropa İttifaqı və BQXK-nın bu yolların istifadəsinə verdiyi dəstəyə baxmayaraq, Fransa tərəfi bu razılaşmaları dəstəkləmir. 0
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz