Azərbaycan Xarici İşlər Nazirliyi: Paşinyan Zəngəzur dəhlizi üzrə öhdəliklərdən yayınır

Bakı/17.10.22/Turan: Ermənistan Zəngəzur dəhlizinin açılmasından yayınmağı dayandırmalıdır, Azərbaycan Xarici İşlər Nazirliyində Yerevanın Bakıya Naxçıvan Muxtar Respublikasından nəqliyyat əlaqəsi üçün üç variant təklif etməsilə bağlı Nikol Paşinyanın tvitini belə şərh ediblər.

“Ermənistan 2020-ci ilin noyabrında qəbul edilmiş üçtərəfli bəyanatda Zəngəzur dəhlizi vasitəsilə avtomobil və dəmir yollarının birləşdirilməsi üzrə öhdəliklərindən yayınmaq üçün uydurma bəhanələrdən əl çəkməlidir. 20 aylıq müzakirələrə məhəl qoymadan 3 qeyri-real variant təklif  etmək yaxşı siyasət deyil”, - Azərbaycan Xarici İşlər Nazirliyinin rəsmi Twitter hesabında deyilir.

Bundan öncə Paşinyan yazıb ki, bir neçə ay əvvəl Ermənistan hökuməti Şərqi Azərbaycanla Naxçıvan arasında əlaqənin təmin olunması üçün Ermənistan-Azərbaycan sərhədində 3-cü nəzarət-buraxılış məntəqəsinin açılması layihəsini təklif edib və "Azərbaycanın müsbət reaksiyasını"gözləyir. 0