![Açiq mənbələrdən foto.](https://turan.az/resized/media/2021/main/112700041533-750-500-resize.webp)
Açiq mənbələrdən foto.
Azərbaycan Xarici İşlər Nazirliyi: Soçi bəyanatı Azərbaycanın mövqeyini tam şəkildə əks etdirir
Bakı/27.11.21/Turan: Azərbaycan, Ermənistan və Rusiya liderlərinin Soçi bəyanatında Bakının mövqeyini əks etdirən məqamlar tam şəkildə təmin edilib. Bu barədə Azərbaycan Xarici İşlər Nazirliyinin şərhində deyilir.
“Biz 26 noyabr 2021-ci il tarixində Soçidə Azərbaycan Respublikasının prezidenti İlham Əliyev, Rusiya Federasiyasının prezidenti Vladimir Putin və Ermənistan respublikasının baş naziri Nikol Paşinyan arasında keçirilmiş üçtərəfli görüşün nəticələrini müsbət qiymətləndiririk”, - məlumatda deyilir.
Görüşün yekun bəyanatında "Azərbaycanın mövqeyini ifadə edən bəndlər tam əks olunub". “Bəyanatda regionun iqtisadi potensialının üzə çıxarılması məqsədilə, o cümlədən dəmir yollarının və avtomobil yollarının açılması ilə əlaqədar layihələrin tezliklə həyata keçirilməsi məqamları xüsusilə vurğulanmalıdır. Münaqişə sonrası mərhələdə Azərbaycan üçtərəfli bəyanatların tam şəkildə həyata keçirilməsi, bölgədə bütün kommunikasiyaların açılması, iki ölkə arasında delimitasiya prosesinin başlanması və münasibətlərin beynəlxalq hüquq prinsipləri əsasında normallaşması mövqeyindən çıxış edib. Azərbaycan tərəfi bundan sonra da 26 noyabr bəyanatında da əks olunmuş uyğun məqamların icrası istiqamətində müvafiq addımlarını davam etdirəcək”, - Azərbaycan Xarici İşlər Nazirliyinin məlumatında qeyd olunur.06D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz