Açiq mənbələrdən foto.
Azərbaycan XİN Fransa XİN-in "əsassız və qəbuledilməz" bəyanatlarına cavab verib
Bakı/28.04.23/Turan: 28 aprel 2023-cü il tarixində Fransa Respublikasının Avropa və xarici işlər naziri Katrin Kolona və Ermənistan Respublikasının xarici işlər naziri Ararat Mirzoyanın birgə mətbuat konfransında Fransa naziri tərəfindən səslənmiş əsassız iddialar qəbuledilməzdir. Bu barədə Azərbaycan XİN-in cümə günü yaydığı bəyanatda deyilir.
"Azərbaycanı Ermənistanın ərazilərinə müdaxilədə ittiham edən əsassız iddiaları səsləndirənlərə 30 il ərzində işğal və etnik təmizləmə siyasətini aparan tərəfin Ermənistan olduğunu xatırlatmaq istərdik. Əfsuslar olsun ki, özünü münaqişənin həll olunması istiqamətində "səy" göstərən tərəf kimi göstərən Fransa tərəfi 30 il ərzində bir dəfə belə olsun Ermənistanı apardığı qeyri-qanuni işğal siyasətinə görə qınamayıb.
Ermənistan tərəfi indiyə qədər hələ də Azərbaycan ərazisindən silahlı qüvvələrini tam olaraq çıxarmayıb, Azərbaycanın 8 kəndini işğaldan azad etməyib və hərbi-siyasi təxribatları davam etdirir.
Bununla yanaşı, Azərbaycanın daxili işi olan öz suveren ərazisində sərhəd nəzarət-buraxılış məntəqəsi təsis etməsinə qarşı müdaxilə Azərbaycanın suverenliyi və ərazi bütövlüyünə ziddir. Yola sərhəddən giriş-çıxış rejimini tənzimləyəcək bu məntəqənin təsis edilməsinin yolun bağlanması kimi qiymətləndirilməsi də tamamilə yanlışdır.
Fransa tərəfinin qərəzli yanaşmalar sərgiləməsi əvəzinə, Ermənistanı razılaşmalardan irəli gələn öhdəliklərin yerinə yetirməsini təşviq etməsi və Azərbaycana qarşı təxribatlardan çəkindirməsi daha faydalı olardı", deyə XİN-in məlumatında bildirilir.
Xatırladaq ki, Kolonna Yerevanda keçirilən mətbuat konfransında bildirib ki, Azərbaycan SQ Ermənistanın ərazi bütövlüyünü pozaraq, onun ərazilərinə nüfuz edib və bu, yolvrilməzdir. "Bakı tərəfindən atılan birtərəfli addımları qəbul edə bilmərik", deyə o qeyd edib. 02D
-
- Foto sessiyalar
- 28 Aprel 2023 19:48
Siyasət
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
-
1 saylı Bakı İstintaq Təcridxanasının sanitariya hissəsində saxlanılan iflic, birinci qrup əlil olan fəal Famil Xəlilov oktyabrın 2-dən etibarən quru aclığa keçib.
-
"Abzas Media" onlayn nəşrinin direktoru Ülvi Həsənlinin saxlanıldığı 1 saylı Bakı İstintaq Təcridxanasındakı işgəncə faktları barədə yazandan sonra özü qeyri-insani rəftara məruz qalır. Bu barədə jurnalistin həyat yoldaşı Rübabə Quliyeva bildirib.
Rəy yaz