S.Lavrov. RF XİN
Bakı/11.11.19/Turan: Azərbaycan XİN RF xarici işlər naziri Sergey Lavrovun noyabrın 11-də Yerevanda Qarabağ ilə bağlı verdiyi bəyanata münasibət bildirib.
S.Lavrov Ermənistan XİN rəhbəri Zöhrab Mnatsakanyanla danışıqların yekunları ilə bağlı bildirib ki, bu regionun əhalisinin razılığı olmadan Dağlıq Qarabağ nizamlanmasına dair razılaşmaya nail olmaq mümkün deyil.
“Hamıya məlumdur ki, Dağlıq Qarabağ xalqının razılığı olmadan heç bir sazişi rəsmiləşdirmək mümkün olmayacaq. Ermənistan onları dəstəkləməyəcək”, - o deyib.
Qeyd edək ki, lap əvvəldən ATƏT-in Minsk Qrupu çərçivəsində danışıqlar prosesində Azərbaycan və Ermənistan münaqişə tərəfləri kimi tanınıb, əlaqədar tərəflər isə Dağlıq Qarabağın erməni və azərbaycanlı icmalarıdır.
Azərbaycan XİN rəsmi nümayəndəsi Leyla Abdullayeva S.Lavrovun bəyanatını şərh edərkən deyib ki, Dağlıq Qarabağ bölgəsinin azərbaycanlı icması Ermənistan-Azərbaycan Dağlıq Qarabağ münaqişəsinin həlli ilə bağlı təklif olunan hər hansı planın tərkib hissəsini təşkil edir.
“Bir daha vurğulamaq istərdim ki, yalnız bu bölgədən didərgin salınmış azərbacanlıların Dağlıq Qarabağda öz evlərinə geri qayıtması münaqişənin Azərbaycan Respublikasının sərhədləri daxilində bölgənin hər iki, azərbaycanlı və erməni icmalarının sülh və təhlükəsizlik şəraitində birgə yaşamasını nəzərdə tutan yüksək səviyyəli özünüidarəetmə statusu əsasında həlli üçün real imkanlar aça bilər”, - L.Abdullayeva bildirib.
O əlavə edib ki, bundan ötrü ilk növbədə, münaqişənin həlli ilə bağlı substantiv danışıqlar aparılmalı və Ermənistanın işğalçı qüvvələri Azərbaycanın Dağlıq Qarabağ və ətraf yeddi rayonundan çıxmalıdır.06В-
Siyasət
-
Toplum TV-nin təsisçisi Ələsgər Məmmədli bu gün Xətai Rayon Məhkəməsində pis rəftara məruz qalıb. O, həbs müddətinin uzadılması ilə əlaqədar oraya aparılmışdı. İstintaq Təcridxanasına qaytarıldıqdan sonra qardaşı Nəsimi Məmmədliyə zəng edib və proses başlayana qədər onu qolları qandallı halda məhkəmə binasında bir otaqda saatlarla gözlətdiklərini bildirib.
-
Azərbaycan hökuməti Ukraynanın işğaldan azad edildikdən sonra bərpa olunan İrpen şəhərində 4 layihəni maliyyələşdirəcək. Bu barədə həmin şəhərin meri Oleksandr Markuşin oktyabrın 2-də Azərbaycan prezidentinin xarici siyasət məsələləri üzrə köməkçisi Hikmət Hacıyevlə görüşdən sonra facebook-da yazıb.
-
"Vidadi İsgəndərlinin zorakı qətli səmərli və operativ şəkildə araşdırılmalıdır. Fransa hakimiyyətini onun mühacirətə getməsinə səbəb olan Azərbaycan prezidentinin və hökumətinin tənqidi də daxil olmaqla, qətlin bütün mümkün motivlərini nəzərdən keçirməyə çağırırıq. Bu mənfur cinayət təcili araşdırılmalıdır və ədalətli məhkəmə təhqiqatı zamanı bu cinayətdə şübhəli bilinən hər kəs məsuliyyətə cəlb edilməlidir". Bu barədə Amnesty İnternational təşkilatının Cənubi Qafqaz üzrə nümayəndəsi Natalya Nozadzenin bəyanatında bildirilir.
-
2-3 oktyabr tarixlərində Rusiyanın Xarici Kəşfiyyat Xidmətinin direktoru Sergey Narışkin Bakıya rəsmi səfərə gəlib. Səfər zamanı Azərbaycan prezidenti İlham Əliyev və Azərbaycanın Xarici Kəşfiyyat Xidmətinin və Dövlət Təhlükəsizliyi Xidmətinin rəhbərliyi ilə görüşlər keçirilib.
Rəy yaz