Açiq mənbələrdən foto.
Azərbaycan XİN Laçının işğalının ildönümü haqda
Bakı/18.05.20/Turan: Mayın 18-də Azərbaycanın Laçın rayonunun Ermənistan Silahlı Qüvvələri tərəfindən işğalının 28 ili tamam olur. İşğal nəticəsində 237 nəfər həlak olub, 67 nəfər isə itkin düşüb. Bölgənin əhalisi etnik təmizləməyə məruz qalıb və hazırda 77 min 700 Laçın sakini Azərbaycanın müxtəlif bölgələrində məcburi köçkün şəraitində yaşayır. Bu barədə Azərbaycan XİN-in bazar ertəsi yaydığı bəyanatda deyilir.
İşğal zamanı məbəd, məscid, muzey və mavzoley daxil olmaqla çoxsaylı yerli və dünya əhəmiyyətli tarixi abidə vandalizmə məruz qalıb.
“Ermənistan işğal etdiyi digər Azərbaycan ərazilərində olduğu kimi, Laçın rayonunda da beynəlxalq humanitar hüququ, o cümlədən Cenevrə konvensiyaları ilə üzərinə düşən öhdəliklərini kobud şəkildə pozaraq bu ərazidə qeyri-qanuni fəaliyyəti davam etdirir. Coğrafi adlar dəyişdirilir, rayonun təbii resursları talan edilir, qanunsuz infrastruktur dəyişiklikləri həyata keçirilir, burada məqsədyönlü məskunlaşma siyasəti aparılaraq bölgənin demoqrafik tərkibi dəyişdirilir”, - bəyanatda deyilir.
Ermənistan işğalçı qüvvələrin zəbt olunmuş ərazilərdən dərhal, qeyd-şərtsiz və tam çıxarılmasını tələb edən BMT Təhlükəsizlik Şurasının 1993-cü il tarixli 822, 853, 874 və 884 saylı qətnamələrinə məhəl qoymamağa davam edir.
“Azərbaycan ərazilərinin hərbi işğal altında saxlanılması heç zaman Ermənistanın güddüyü siyasi nəticələri verməyəcəkdir. Azərbaycanın beynəlxalq tanınmış sərhədləri çərçivəsində ərazi bütövlüyü müzakirə mövzusu olmayıb və ola da bilməz”, - sənəddə vurğulanır.-02D-
-
- İqtisadiyyat
- 18 May 2020 13:34
Siyasət
-
Həbsxanada 71 gündür aclıq edən ictimai fəal, I qrup əlil Famil Xəlilovun səhhəti ağır olaraq qalır. Bu barədə onun həyat yoldaşı Kiçikxanım Xəlilova bildirib.
-
Çərşənbə axşamı Birləşmiş Ştatlar bildirib ki, KXDR-in müharibədə Rusiyanın tərəfində iştirak etmək üçün əsgər göndərməsi haqqında məlumatları "araşdırmağa davam edir". "KXDR-in əsgərlərinin Putinin Ukraynaya qarşı müharibəsinə qoşulacağı doğrudursa, bu, təhlükəli və həddindən artıq narahatedici hadisə olacaq", bu barədə Dövlət Departamentinin mətbuat katibinin müavini Vedant Patel brifinqdə bildirib.
-
Azərbaycanın energetika naziri Pərviz Şahbazov "X" sosial şəbəkəsindəki hesabında Çinin Çindau şəhərində "Kəmər və Yol" nazirlər konfransında iranlı həmkarı ilə görüşü haqqında məlumat paylaşıb.
-
Çərşənbə axşamı baş nazir Nikol Paşinyan Yerevanda ABŞ Milli Təhlükəsizlik Şurasının Avropa üzrə baş direktoru Maykl Karpenter və Dövlət Departamentinin xüsusi nümayəndəsi Luis Bononu qəbul edib.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- Cəmiyyət,
- 14:05
- 199
Rəy yaz