Azərbaycan XİN: Sərhədçinin ölümü cavabsız qalmayacaq
Bakı/08.01.20/Turan: Yanvarın 7-də Qazax rayonunun Quşçu Ayrım kəndi istiqamətində erməni tərəfdən snayper atəşi nəticəsində sərhədçi Fərzalı Fərzəliyev həlak olub. Azərbaycan XİN bununla bağlı bəyanat yayıb.
Bəyanatda Ermənistan dövlət sərhəddində və təmas xətti boyunca atəşkəs rejimini ardıcıl olaraq pozmaqda ittiham edilir.
Yerevan ancaq sözdə beynəlxalq hüquq dəyərlərinə hörmətlə yanaşır və münaqişənin sülh yolu ilə həllinə çağırır, sənəddə deyilir.
“Bu məqsədyönlü qəsdlə Ermənistan tərəfi bir daha açıq şəkildə təsdiq edir ki, məhz o, işğalçı ölkədir və Azərbaycanın işğal olunmuş ərazilərində yaratdığı oyuncaq rejim arxasında gizlənmək cəhdləri tamamilə əsassızdır”, - bəyanatda qeyd olunur.
“Erməni tərəfin əməlləri cavabsız qalmayacaq”, - XİN-in məlumatında vurğulanır. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz