Bakı /03.12.20/Turan: Ermənistanın xarici işlər naziri nə qədər acı olsa da xəyal dünyasından reallığa dönməlidir. Bu barədə Azərbaycan XİN-in Ermənistanın xarici işlər naziri Ara Ayvazyanın “Armenpress” agentliyinə verdiyi müsahibəyə dair şərhində deyilir.
“Ermənistan hökuməti son hadisələrdən nəticə çıxarmalı və bölgədə yaranmış yeni reallıqla barışmalıdır. Azərbaycan BMT TŞ-nin müvafiq qətnamələrinin icrasını təmin edərək öz ərazi bütövlüyünü bərpa etdi.
10 noyabrda Ermənistan hökumət başçısının da imzaladığı birgə bəyanatla bölgədə yeni təhlükəsizlik və əməkdaşlıq formatı yarandı”, - XİN-in şərhində qeyd olunur.
Əsir və girovların, cəsədlərin dəyişdirilməsinə gəlincə, erməni tərəfi uzun illər Azərbaycanın “hamının hamıya” dəyişdirilməsi təşəbbüsünə qarşılıq vermirdi. İndi bu, reallıqdır.
“Ermənistan tərəfinin 10 noyabr tarixli birgə bəyanatı yozmaq əvəzinə bu razılaşmadan irəli gələn məsələləri yerinə yetirməsi bölgədə uzun illərdir gözlənilən sülhün yaranmasına xidmət edəcək”, - Azərbaycan XİN-də belə hesab edirlər.-02В-
Siyasət
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
Rəy yaz