Azərbaycan Zəngəzur dəhlizinin sülh yolu ilə açılmasına nail olmağa çalışır - Hikmət Hacıyev

Bakı/27.09.23/Turan: Bakı Naxçıvana Ermənistan ərazisindən keçən quru dəhlizinin açılması üçün heç bir güc tədbiri görməyəcək, bu barədə Azərbaycan prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev bildirib.

Onun sözlərinə görə, Azərbaycan yalnız Ermənistan ərazisindən keçməklə Naxçıvanla nəqliyyat əlaqəsi (Zəngəzur dəhlizi) qurmaq istəyir, bu, "hər iki ölkə və bütünlükdə region üçün faydalı olacaq". 

"Azərbaycanın suveren Ermənistan ərazisində heç bir hərbi məqsədi və ya vəzifəsi yoxdur, bu ... Azərbaycanın gündəliyində deyil", deyə Hacıyev Reuters agentliyinə bildirib.

Əliyevin köməkçisi əlavə edib ki, Bakı Yerevana nəqliyyat-kommunikasiya xətlərinin müstəsna olaraq dinc yolla çəkilməsi məsələsini həll etməyi təklif edir.

Bir müddət əvvəl Azərbaycan prezidenti İlham Əliyev Azərbaycan ərazisində Zəngəzur dəhlizinin salınması üzrə işlərin, çox güman ki, 2024-cü ilin sonlarına doğru başa çatacağını bildirib. 06В