Bakı/05.03.20/Turan: Koronavirusla əlaqədar Azərbaycanda kütləvi dini mərasimlər məhdudlaşdırılacaq. Bu qərar Qafqaz Müsəlmanları İdarəsinin bugünki iclasında qəbul edilib.
Ölkənin dini konfessiya liderlərinin, məscid imamlarının və Dini Qurumlarla İş üzrə Dövlət Komitəsinin sədrinin iştirakı ilə keçirilən iclasda şeyx Allahşükür Paşazadə dini mərasimlərin müvəqqəti təxirə salınmasını məsləhət görüb.
Xəstəliyin yayılması riskini nəzərə alaraq şeyx məscidlərdə moizələrin və birgə ibadətlərin təxirə salınmasını, camaat namazlarının uzadılmadan icra olunmasını, xütbələrin qısaldılmasını tövsiyə edib. Dindarlara imkan daxilində evdə namaz qılmaq tövsiyə olunub. Pravoslav və Katolik kilsələrinin rəhbərləri, habelə Avropa və Dağ Yəhudiləri icmalarının başçıları bu çağırışı dəstəkləyiblər. -02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz