Açiq mənbələrdən foto.
Bakı/10.06.22/Turan: İyunun 10-da Azərbaycanın hökumətyönlü KİV-ləri "RİA Novosti" Agentliyinin Qarabağ separatçılarının liderlərindən biri - Artak Beqlaryanla qalmaqallı müsahibəni sildiyi barədə məlumat yayıblar. Bu zaman məlumatın mənbəyi açıqlanmayıb.
İyunun 3-də bu materialın dərc edilməsi qalmaqala və Bakının narazılığına səbəb olmuşdu, çünki Beqlaryanın ifadələri Azərbaycanın suverenliyini açıq-aşkar pozurdu.
Bir gün sonra Azərbaycanda RİA-Novosti-nin saytı bloklanıb.
Azərbaycan XİN bu materialın dərc edilməsini Rusiya dövlət KİV-inin ikitərəfli münasibətləri pozan və ikitərəfli müqavilələrə zidd olan, dostluq münasibətlərinin ruhuna uyğun olmayan hərəkəti kimi qiymətləndirib.
İyunun 10-da axşam sayt bloklanıb. Qalmaqala səbəb olan material silindikdən sonra saytın bağlı qalması Bakının bununla qane olmadığını və RİA-nın saytında müvafiq izahatın yerləşdirilməsini gözlədiyini göstərə bilər.
Bu gözlənti Azərbaycan XİN-in bəyanatına cavab olaraq RİA agentliyinin Bakının iddialarını rədd etməsi, Azərbaycan hakimiyyətinin nədən narazı olduğunu anlamadığını bəyan etməsi ilə əlaqədardır. -0-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz