Azərbaycanın keçmiş XİN rəhbəri Tofiq Qasımov mühacirətdə vəfat edib
Bakı/29.01.20/Turan: Azərbaycanın keçmiş XİN rəhbəri, İsveçrənin Lutsern şəhərində siyasi mühacirətdə olan Tofiq Qasımov 82 yaşında vəfat edib. Bu barədə məlumatı T.Qasımovun yaxın dostu, Müsavat Partiyasının fəalı Mirbaba Babayev yayıb.
“Tofiq Qasımov Azərbaycanın görkəmli siyasi xadimlərindən və 1980-ci illərin sonu - 1990-cı illərin əvvəllərində milli demokratik hərəkatın liderlərindən biri olub. Ən çətin dövrlərdə Xarici İşlər Nazirliyinə rəhbərlik edib.
İxtisasca fizik-alim olan T.Qasımov siyasi mübarizəyə qoşulub və Müsavat Partiyasını bərpa edənlərdən biri olub. Onun vəfatı Müsavat Partiyası, demokartik düşərgə, eləcə də Azərbayan xalqı üçün böyük itkidir”, - Müsavat Partiyasının sədri Arif Hacılı bildirib.
Onun sözlərinə görə, yaxın saatlarda dəfnin vaxtı və yeri məlum olacaq.
Tofiq Qasımov 1938-ci ildə Ağstafa rayonunda anadan olub. 1989-cu ildə Xalq Cəbhəsinin yaradıcılarından biri olub, təşkilatın İdarə Heyətinin üzvü olub. 1992-93-cü illərdə T.Qasımov Xalq Cəbhəsi hökumətində Xarici İşlər Nazirliyinin rəhbəri postunu tutub.
1995-ci ilin sentyabrında Xüsusi Təyinatlı Polis Dəstəsinin işi üzrə dövlət çevrilişinə cəhdə çağırış ittihamı ilə həbs olunub. 1996-cı il fevralın 22-də beynəlxalq təzyiq altında azadlığa buraxılıb. Sonradan Azərbaycanı tərk edib və İsveçrədə siyasi sığınacaq alıb.–06D-
Siyasət
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
Rəy yaz