Azərbaycanın Ukraynaya humanitar yardımı Moskvanı qəzəbləndirib

Bakı/15.12.22/Turan: Azərbaycanın Ukraynaya "humanitar yardım" kimi transformator və generator verməsi Rusiyada anlaşılmazlıq doğurur. Bu barədə cümə axşamı RF XİN-dəki mənbə TASS-a bildirib.

"Bakının bu addımı anlaşılmazlıq doğurur. Rusiya Federasiyasının silahlı qüvvələri xüsusi hərbi əməliyyat çərçivəsində Kiyev rejiminin hərbi ehtiyaclar üçün istifadə etdiyi kritik infrastrukturu məhv edir. Azərbaycanın vəziyyəti prinsipial olaraq dəyişdirməyəcək tədarükləri humanitar yardım sayılmır", deyə TASS RF XİN-dəki mənbədən sitat gətirir.

Beləliklə, Rusiya qonşu dövlətin enerji infrastrukturunu qəsdən və məqsədyönlü şəkildə, ayırd etmədən məhv etdiyini etiraf etməkdən çəkinmir. Moskva insanların istidən, xəstələrin xəstəxanada müalicə olunmaq imkanından məhrum edilməsini qanuni hüququ hesab edir.

RF XİN-də həkimlərin insanları müalicə etməsinə imkan yaratmağı və onların aclıqdan və ya soyuqdan ölməsinə imkan verməməyi yolverilməz hesab edir. Amma Moskva nədənsə Qarabağ erməniləri üçün energetika və digər infrastrukturu bərpa etmək hüququna malik olduğunu hesab edirlər, bunu sırf humanitar yardım kimi əsaslandırır.

Rusiyanın erməni separatçıları Ukraynaya qarşı hərbi avantyuraya cəlb etmək və ya onlara mümkün dəstəklə təhdid etmək cəhdləri, çətin ki, nəticə versin.

Xatırladaq ki, dekabrın 10-da Azərbaycan Ukraynaya ümumi dəyəri 1,4 mln. manat olan 45 güc transformatoru və 50 generator göndərib. Müharibə ərzində Azərbaycan Ukraynaya ümumilikdə 30 mln. manatlıq (17.5 mln. dollardan çox) yardım göstərib. 02D