Bakı/28.09.22/Turan: "Azərbaycan istədiyi zaman qarabağlılar üçün çıxılmaz vəziyyət yarada bilər və bu, Qarabağ hakimiyyəti üçün niyə Azərbaycanla əməkdaşlıq etməli olduğunun daha bir izahı olar". Bu barədə çərşənbə günü Yerevanda keçirilən mətbuat konfransında Ermənistanın keçmiş prezidenti Robert Koçaryan bildirib.
Onun sözlərinə görə, gələcək danışıqlar prosesi Bakı və Stepanakert, müəyyən dərəcədə Moskva arasında aparılacaq. Koçaryan hesab edir ki, "Qarabağ hakimiyyəti müəyyən dərəcədə bu vəziyyətlə barışıb".
"Bu gün Rusiyanın Azərbaycanla müttəfiqlik münasibətləri var və Rusiyanın Azərbaycana qarşı hərbi əməliyyata başlaya biləcəyini düşünmək gülüncdür, belə bir şey olmayacaq", deyə o qeyd edib.
Zəngəzur mövzusuna toxunan Koçaryan vurğulayıb ki, İranla hərbi əməkdaşlıq gücləndirilməlidir. "Biz Sünikdə İranla minimum iki hərbi təlim keçirməli idik. Bu, Azərbaycan üçün ən böyük çəkindirici amil olardı", deyə Koçaryan bildirib.
O, Ermənistanın KTMT-dən çıxması haqqında çağırışları axmaqlıq adlandırıb.
Koçaryan iddia edir ki, 2021-ci ilin mayında İran tərəfi hərbi əməkdaşlığa dair danışıqlar aparırdı, amma Ermənistan hakimiyyəti onları dondurub.
Türkiyənin qarşısının alınmasına gəlincə, Koçaryan əmindir ki, bu gün buna nə Rusiyanın, nə ABŞ-ın, nə Fransanın gücü çatmaz. Bu ölkələrin liderlərinin "milli maraqların müdafiəsi üzrə master-klass nümayiş etdirən" Türkiyə lideri Erdoğana təsiri yoxdur. 02D
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz