Açiq mənbələrdən foto.
Bakı/27.04.21/Turan: Aprelin 27-də prezident İlham Əliyev “Azərbaycan Respublikasının Kosmik Agentliyi (“Azərkosmos”)” publik hüquqi şəxsin yaradılması haqqında fərman imzalayıb.
Agentlik Nəqliyyat, Rabitə və Yüksək Texnologiyalar Nazirliyinin tabeliyində olan “Azərbaycan Respublikasının Kosmik Agentliyi” Açıq Səhmdar Cəmiyyətinin əsasında yaradılıb.
Agentliyin fəaliyyəti kosmik peyklərin istismarından və digər mənbələrdən əldə olunan gəlirlərin hesabına maliyyələşdiriləcək.
Agentliyə onun sədri və iki müavini rəhbərlik edəcək. Agentliyin səlahiyyətləri ölkə prezidenti tərəfindən müəyyən ediləcək. Nazirlər Kabinetinə təşkilatın Nizamnaməsinin təsdiq edilməsi və onun nizamnamə fondunun müəyyən edilməsi tapşırılıb.
Qeyd edək ki, Azərbaycan hazırda iki telekommunikasiya peykinə malikdir.
İlk peyk 2009-cu ildə işə salınıb və ən azı 30 il istismar edilməlidir. Bu müddətdə onun istifadəsindən əldə olunan gəlirlər 600 milyon dollar təşkil etməlidir.-02D-
Siyasət
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
-
Azərbaycanla sülh prosesi çərçivəsində Ermənistan gündəlikdəki bütün məsələlərin həlli yollarını təklif edib, bu barədə yanvarın 23-də Ermənistanın Təhlükəsizlik Şurasının katibi Armen Qriqoryan bildirib.
-
Azərbaycan Talışlarının İctimai Şurasının (ATİŞ) İdarə Heyətinin üzvü Hilal Məmmədov yanvarın 23-də Dövlət Təhlükəsizliyi Xidmətində dövlətə xəyanətdə ittiham olunan tədqiqatçı İqbal Əbilovun işi üzrə şahid qismində dindirilib. Məmmədovun Turan-a verdiyi məlumata görə, onu Əbilovun fəaliyyəti, elmi əsərləri və nəşrləri haqqında sorğu-sual ediblər.
Rəy yaz