Bakı/25.06.18/Turan: İyunun 26-da ölkə paytaxtında Azərbaycan Silahlı Qüvvələrinin yaradılmasının 100 illiyinə həsr olunmuş hərbi parad keçiriləcək.
Yüksək vəzifəli şəxslərdən ibarət bir sıra xarici nümayəndə heyətləri təntənəli mərasimdə iştirak etmək üçün Bakıya gəlib.
Hərbi paradda Türkiyə HHQ-nin döyüş təyyarələri eskadrilləri - 8 F5 qırıcı təyyarəsi və 2 F16 qırıcı təyyarəsi də iştirak edəcək.
Bu arada, şəhərin mərkəzində "Azadlıq" meydanı və ona bitişik küçələrdə səhər saatlarından hərəkət dayandırılıb. Şənbə günü axşam hərbi paradda iştirak edəcək ağır hərbi texnika şəhərə gəlib.
Paytaxtın əsas meydanı ətrafında artilleriya, raket və zirehli texnika cərgələri yerləşdirilib, hərbi parad buradan başlayacaq.
Bakılılar və paytaxt sakinləri bir saata yaxın hərbi texnikanın hərəkətini müşahidə ediblər və mobil telefonları ilə çəkiblər.
Müdafiə naziri Zakir Həsənov paradda son dövrlər əldə olunmuş yeni hərbi texnikanın təqdim ediləcəyini bəyan etmişdi.
Paradın iyunun 26-da ənənəvi vaxtda - saat 10-da hərbi aviasiyanın uçuşları ilə başlayacağı gözlənilir. -02B-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Fevralın 4-də vəkil Zibeydə Sadıqova 1saylı Bakı İstintaq Təcridxanasında “Meydan” TV” işi üzrə həbs olunmuş müxbir Natiq Cavadlı ilə görüşüb.
-
Çərşənbə axşamı ABŞ prezidenti Donald Tramp ilk beynəlxalq qonağını - İsrailin baş naziri Binyamin Netanyahunu Ağ Evdə qarşılayıb.
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
Rəy yaz