Xalq Cəhbəsi Partiyası Gənclər Komitəsinin dekabrın 15-də ümumrespublika müşavirəsi keçirmək planı baş tutmaya bilər. Bunu Turan-a AXCP Gənclər Komitəsinin rəhbəri Əbülfəz Qurbanlı bildirib.
O qeyd edib ki, müşavirənin keçirilməsinə yer ayrılması ilə bağlı noyabrın 25-də Bakı meriyasına müraciət edilib. Dekabrın 3-də müraciətə cavab verən meriya tədbirin keçirilməsi üçün “Bakı” kinoteatrını ayırıb.
Dekabrın 12-də “Bakı” kinoteatrının rəhbərliyi ilə müavilə bağlamaq və bəzi texniki tədbirləri həyata keçirmək üçün ora gedən təşkilatçılar qəribə səhnə ilə üzləşiblər. Belə ki, kinoteatrın işıq sistemi, oturacaqlar sıradan çıxarılıb, səhnə yararsız hala salınıb. Ə.Qurbanlının sözlərinə görə, kinoteatr tədbirin keçirilməsi üçün yararsız hala salınıb. O, kinoteatrın bu hala salınmasını Bakı meriyasının müşavirənin qarşısını almaq məqsədilə etdiyini söyləyib.
Bundan sonra təşkilatçılar müşavirənin taleyinin necə olacağını həll etmək üçün Bakı meriyası ilə əlaqə saxlamağa çalışsalar da telefon zənglərinə cavab verən olmayıb. “Beləliklə, vəziyyət hələ ki qeyri-müəyyən olaraq qalır”,- Ə.Qurbanlı nəzərə çatdırıb.-05B-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz