Açiq mənbələrdən foto.
Bakı Tehranın ittihamlarını qəbul etmir
Bakı/04.10.21/Turan: Azərbaycan Xarici İşlər Nazirliyinin mətbuat katibi Leyla Abdullayeva son günlər Tehrandan Bakının ünvanına səsləndirilən ittihamları təkzib edib.
Bakı İranın xarici işlər naziri Əmir Abdullahiyanın İranın Dövlət Televiziyasına müsahibəsində səsləndirdiyi bir sıra bəyanatları qəbuledilməz hesab edir, xüsusən də Azərbaycanda İranla sərhəd boyunca üçüncü ölkələrin qüvvələri və ya terrorçuların olması və hansısa təcavüzkar hərəkətlərin törədilməsi barədə iddiaları.
"Bu cür iddialar tamamilə əsassızdır. Bu cür iddialar 44 günlük müharibə zamanı da səslənirdi, amma heç bir sübut təqdim olunmadı", - şərhdə bildirilir.
Ərazi bütövlüyünə gəlincə, məhz Azərbaycan ərazilərinin bir hissəsinin hərbi işğalından və beynəlxalq sərhədlərinin pozulmasından onilliklər ərzində əziyyət çəkib. O cümlədən, bizim İran ilə sərhədimizin 130 kilometrdən çox hissəsi uzun illər ərzində Ermənistanın işğalı altında olub.
“Təəssüf ki, bu illər ərzində dost İran dövlətinin sərhədimizin bir hissəsinin işğal altında olması ilə bağlı indiki kimi qəti reaksıyasını eşitməmişik”, - sənəddə qeyd olunur.
Şərhin sonunda deyilir ki, İranda razı qalmalıdırlar ki, 30 il işğaldan sonra, işğal etdikləri ərazilərdə islam dəyərlərinin və obyektlərin ermənilər tərəfindən dağıdılması və məhv edilməsindən sonra azad edilmiş ərazilərə qaçqınlar və dinc həyat qaytarılır. Bütün bu illər ərzində Azərbaycan qonşularının daxili işlərinə qarışmamaq siyasəti yeridib ki, bu da dəfələrlə sübut olunub.-02D-
-
- Siyasət
- 4 Oktyabr 2021 10:53
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz