![Açiq mənbələrdən foto.](https://turan.az/resized/media/2020/main/052000027053-750-500-resize.webp)
Açiq mənbələrdən foto.
Bakı və Madrid arasında strateji tərəfdaşlıq haqqında bəyannamə imzalana bilər
Bakı/20.05.20/Turan: Bu gün Azərbaycan və İspaniya XİN rəhbərləri Elmar Məmmədyarovla Arançey Qonsales Laey arasında telefon danışığı olub.
Tərəflər qlobal pandemiyaya qarşı mübarizədə birgə səylərin və həmrəyliyin vacibliyini vurğulayıblar, - Azərbaycan XİN mətbuat xidmətinin məlumatında deyilir.
Nazirlər iki ölkə arasında siyasi münasibətlərin yüksək səviyyədə inkişafını qeyd ediblər.
Onlar hər iki ölkənin BMT çərçivəsində beynəlxalq hüququn norma və prinsiplərinə, o cümlədən dövlətlərin suverenliyi, müstəqilliyi və ərazi bütövlüyünə hörmət prinsipləri, BMT Nizamnaməsində və Helsinki Yekun Aktında təsbit olunmuş sərhədlərin pozulmazlığı prinsiplərinə uyğun əməkdaşlıq etdiyini qeyd ediblər.
Nazirlər iki ölkə arasında strateji tərəfdaşlıq haqqında bəyannamənin imzalanmasının və bununla əlaqədar yaxın gələcəkdə yüksək səviyyədə qarşılıqlı səfərlərin həyata keçirilməsinin vacibliyini vurğulayıblar.
Tərəflər həmçinin ölkələr arasında hüquq-müqavilə bazasının möhkəmləndirilməsi məsələlərini müzakirə ediblər.
Nazirlər iqtisadi və enerji əməkdaşlığının möhkəmləndirilməsi, eləcə də iki ölkə arasında mədəni əlaqələrin genişləndirilməsi ilə bağlı fikir mübadiləsi aparıblar.
Tərəflər pandemiyadan sonra bir-birini qarşılıqlı səfərlərə dəvət ediblər.—06D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz