Bakı və Tehran Xəzərdə mübahisəli yataqlarla bağlı razılaşa bilərlər
Bakı/04.12.19/Turan: Son 6 ildə İran və Azərbaycan arasında münasibətlər bütün istiqamətlərdə müsbət və ardıcıl şəkildə inkişaf edir, bu barədə çərşənbə axşamı İran prezidenti Həsən Ruhani Azərbaycan baş nazirinin müavini Şahin Mustafayevi qəbul edərkən bildirib.
İran prezidentinin mətbuat xidmətinin məlumatına görə, Mustafayev görüşdə Azərbaycan prezidenti İlham Əliyevin məktubunu Ruhaniyə təqdim edib.
"İran Xəzər neftinin hasilatı üzrə Azərbaycanla birgə layihələrin həyata keçirilməsini diqqətlə izləyir və bu məsələyə çox ciddi yanaşır", deyə Ruhani bildirib. O, ikitərəfli komissiyanın iclasında neft hasilatı üzrə birgə layihələr məsələsinin ətraflı tədqiq ediləcəyi barədə fikir bildirib.
İran prezidenti həmçinin elmi-texniki əməkdaşlığın və turizm və ekologiya sahəsində birgə işin əhəmiyyətini qeyd edib. "Ümid edirəm ki, ölkələrimiz Xəzər regionunda səmərəli qarşılıqlı fəaliyyətə nail olacaqlar", deyə o bildirib.
Xatırladaq ki, Bakı və Tehran indiyədək Xəzərdə mübahisəli neft-qaz yataqları probleminin həllini tapmayıb. Xüsusən, bu, dənizin cənub hissəsindəki "Araz-Lov-Şərq" yataqlarına aiddir. Azərbaycan onları öz yataqları, İran isə öz yataqları hesab edir. 2001-ci ildə Azərbaycanın bu zonada kəşfiyyata başlamaq cəhdi az qala dənizdə hərbi münaqişəyə gətirib çıxaracaqdı. Həmin vaxtdan etibarən orada iş aparılmayıb və tərəflər mübahisə həll olunana qədər heç bir tərəfin işə başlamayacağı barədə razılıq əldə ediblər.
2018-ci ildə tərəflər birgə neft şirkəti qurmaq və Xəzərdə birgə işlər həyata keçirmək barədə razılıq əldə ediblər. -02D-
-
- Sual-cavab
- 4 Dekabr 2019 11:16
-
- Cəmiyyət
- 4 Dekabr 2019 11:40
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz