Bakı/24.09.18/Turan: Sentyabrın 25-27-də Bakıda açılacaq "ADEX-2018" beynəlxalq müdafiə sərgisində dünyanın müxtəlif ölkələrindən 200-dən çox şirkətin məhsulları nümayiş etdiriləcək. Bu barədə Azərbaycan Müdafiə Sənayesi Nazirliyinin məlumatında deyilir.
Sərgi Baku Ekspo mərkəzində olacaq.
Azərbaycan, Türkiyə, Fransa, Rusiya, İsrail, Belarus, Pakistan, Serbiya, Ukrayna və s. üç pavilyonda və açıq havada müdafiə təyinatlı məhsullarını təqdim edəcəklər.
Azərbaycan hərbi-sənaye kompleksinin son nailiyyətlərini təqdim edəcək. Əsasən Müdafiə Sənayesi Nazirliyi "Tufan" zirehli maşınını nümayiş etdirəcək. Bu barədə müdafiə sənayesi nazirinin müavini Yəhya Musayev bugünkü mətbuat konfransında bildirib.
Onun sözlərinə görə, sərgidə 224 şirkət iştirak edir. Onlar 260 növ hərbi məhsulu təqdim edəcəklər. Açılış mərasimində altı ölkədən nazirlər, 11 ölkədən şirkət rəhbəri iştirak edəcək. Qeyri-rəsmi məlumatlara görə, sərgiyə Rusiya prezidenti Vladimir Putin də gələcək.
Rusiyanın hərbi-sənaye kompleksi 250 növ müdafiə məhsulunu, o cümlədən təyyarələr, vertolyotlar, raket sistemləri, zirehli texnika, HHM sistemi və yüngül qayıqları təqdim edəcək.
"ADEX-2018" sərgisi 2014-ci ildən başlayaraq iki ildə bir dəfə keçirilir. 06D--
Siyasət
-
Plastik cərrahiyyə fəaliyyətinə dair saxta sertifikatların verilməsinə görə Səhiyyə Nazirliyinin məmurlarına cinayət işi açılıb. Bu barədə Baş Prokurorluq və Səhiyyə Nazirliyinin 27 dekabr tarixli birgə məlumatında deyilir.
-
Rusiyanın hava hücumundan müdafiə sistemi səhvən AZAL-ın təyyarəsinə hücum etsə də, Rusiya buna görə məsuliyyət daşıyır. Bu barədə bu gün Müsavat Partiyası bildirib.
-
AZAL Bakıdan Rusiyanın digər üç şəhərinə – Nijni Novqorod, Vladiqafqaz və Saratova sərnişin reyslərini dayandırır. Bu barədə AZAL-ın 27 dekabr tarixli məlumatında deyilir.
-
Ermənistan oktyabrda Xankəndidə vəfat etmiş yaşlı erməninin cənazəsini qəbul etməkdən imtina edir. Əgər erməni tərəfi yanvarın sonuna qədər qadının cənazəsini qəbul etməsə, o, Azərbaycanda dəfn olunacaq. Bu barədə Azərbaycanın Əsir və itkin düşmüş, girov götürülmüş vətəndaşlarla əlaqədar.
Rəy yaz