Baş prokuror: "Azərbaycan Ermənistanı ziyan vurmaqda ittiham etmək üçün sənədlər hazırlayır"

Bakı/20.02.21/Turan: Azərbaycanın hüquq-mühafizə orqanları Ermənistanın təcavüzü ilə bağlı cinayət işləri çərçivəsində sübutların toplanmasını davam etdirir. Bu, beynəlxalq arenada Ermənistana qarşı məhkəmə təqibini təmin etmək üçün lazımdır. Bu barədə ölkənin baş prokuroru Kamran Əliyev "Milli Məclis" jurnalına müsahibəsində bildirib.

Onun sözlərinə görə, iş iki istiqamətdə - cinayət təqibi və cinayət təqibindən kənar kompensasiya haqda tələb üzrə aparılır. İkinci istiqamət Ermənistan Silahlı Qüvvələrinin vurduğu faktiki zərəri və gəlir itkisini əhatə edir.

K.Əliyev deyib ki, ziyanın müəyyən edilməsi məqsədilə prokurorluğun müstəntiqləri azad edilmiş ərazilərdə dağıdılmış hər şeyə baxır, gördüklərini sənədləşdirirlər.

O bu işin nə vaxt başa çatacağını və Azərbaycanın Ermənistana qarşı iddialarının hansı beynəlxalq qurumlara təqdim ediləcəyini açıqlamayıb.-02В-