Bakı/06.02.20/Turan: Azərbaycan Baş Prokurorluğu 31 saylı Suraxanı ikinci seçki dairəsindən deputatlığa namizəd, bloger Mehman Hüseynovun seçkilərdə rəqibi Fərəc Quliyev tərəfindən ələ alınmasına cəhdlə bağlı müraciəti ilə əlaqədar müvafiq qərar qəbul olunması üçün MSK-ya müraciət edib. Bu barədə Baş Prokurorluğun mətbuat xidmətinin rəhbəri Eldar Sultanov bildirib.
“31 saylı Suraxanı ikinci seçki dairəsindən deputatlığa namizəd Mehman Hüseynovun eyni dairədə qeydiyyata alınmış Fərəc Quliyev tərəfindən seçki qanunvericiliyinin tələblərinin pozulması ilə bağlı Baş Prokurorluğa müraciəti Seçki Məcəlləsinin 112 və 112.1-ci maddələrinə uyğun olaraq baxılmaq və qərar qəbul edilmək üçün MSK-ya göndərilib və bu barədə onun özü (Mehman Hüseynov) məlumatlandırılıb”, -E.Sultanov Facebook səhifəsində yazıb.
Qeyd edək ki, CM-in 112 və 112.1-ci maddələri namizədə onun seçki hüququnu pozan şəxslərin hərəkətlərindən şikayət etmək hüququ verir.
İndiki halda bu maddələrə istinad məsələnin mahiyyətini açıqlamır. Ona görə də E.Sultanovun açıqlamasında Baş Prokurorluğun MSK-ya müraciətinin hansı hüquqi nəticələrə səbəb ola biləcəyinə aydınlıq gətirilmir.
M.Hüseynov Turan-a bildirib ki, onun müraciətinin MSK-ya göndərilməsilə bağlı Baş Prokurorluqdan heç bir rəsmi bildiriş almayıb.
M.Hüseynov E.Sultanovun bəyanatını şərh etməyərək deyib ki, öz vəkili ilə məsləhətləşməlidir.
MSK-nın növbəti iclası fevralın 7-i saat 16.00-a təyin edilib.
Fevralın 5-də MSK Fərəc Quliyevə xəbərdarlıq verilməsini qərara alıb.
Eyni zamanda MSK rəhbəri Məzahir Pənahov bildirib ki, “bu, son qərar deyil”. Onun sözlərinə görə, baş verənləri prokurorluq da araşdırır və yekun qərar prokurorluğun araşdırmasının nəticələri nəzərə alınaraq qəbul ediləcək.
Xatırladaq ki, F.Quliyev M.Hüseynova 15 min manat təklif edib ki, fevralın 9-da keçiriləcək parlament seçkilərində namizədliyini geri götürsün.
Müstəqil hüquqşünaslar birmənalı şəkildə bildiriblər ki, F.Quliyevin əməlində cinayət tərkibi var və onun namizədliyi ləğv edilməlidir.-06D-
Siyasət
-
Dekabrın 23-də Rusiya prezidenti Vladimir Putin Azərbaycan prezidenti İlham Əliyevə doğum günü münasibətilə təbrik göndərib. Məktubda deyilir:
-
ABŞ səfirliyi bu ölkəni yenidən qeyri-diplomatik ifadələrdən istifadə edərək antiazərbaycan siyasətində ittiham edən "Həftə" proqramının müəllifinə cavab verib.
-
23 dekabr 2024-cü il tarixində Azərbaycan Respublikasının xarici işlər naziri Ceyhun Bayramov Serbiya Respublikasına işgüzar səfəri çərçivəsində bu ölkənin prezidenti Aleksandar Vuçiç ilə görüşüb.
-
Dekabrın 23-də Belqradda Azərbaycan və Serbiya Xarici İşlər Nazirlikləri rəhbərlərinin görüşü olub. Yekun mətbuat konfransında Serbiyanın xarici işlər naziri Marko Curiç bildirib ki, tərəflər turizmin inkişafını müzakirə ediblər. "Biz birbaşa aviareyslərin açılması, iqtisadi inkişaf və energetika üzrə işi gücləndiririk", - Curiç deyib.
Rəy yaz