Bayden and içir ki, Amerika sülh, tərəqqi və təhlükəsizlik naminə güclü və etibarlı tərəfdaş olacaq

Vaşinqton/21.01.21/Turan:  “Demokratiya zəfər çaldı”, -78 yaşlı Co Bayden çərşənbə günü hakimiyyətin dinc yolla verilməsindən sonra bildirib.

"Biz yenidən Amerikanı dünyanın aparıcı xeyirxah gücü edə bilərik", - o, Kapitoliya binasında inauqurasiya çıxışında deyib. Bu, andiçmə günü heç birinə bənzəmirdi. Vaşinqtonun küçələrində, Kolumbiya dairəsində, milli qvardiyanın 25 min əsgəri var dayanmışdı, çünki paytaxt mərasimdən bir neçə gün öncə əhatəyə alınmışdı.

Yeni prezident 21 dəqiqəlik çıxışında ayrılmış millətə "bir araya gəlmək" çağırışı ilə müraciət edib. Mərasimdə Donald Trampun olmaması qeyd edilməyib, ancaq onun vitse-prezidenti Mike Pens iştirak edib.

1987-ci ildə Ağ Evə ilk təklifindən 30 il sonra Co Bayden nə vaxtsa vəzifəyə gəlmiş prezidentlərin ən yaşlısıdır və prezident Obamanın vitse-prezidenti kimi çalışdığı 8 ili  daxil etsək, bəlkə də ən təcrübəlisidir.

Baydenin vitse-prezidenti Kamala Harris isə öz növbəsində, Amerika hökumətinin tarixində ən yüksək vəzifəli qadın, həmçinin bu postu tutan ilk qaradərili amerikalı və ilk Asiya əsilli amerikalı qadındır.

"Bizim sərhədlərimizdən kənarda olanlara mesajım var", - Bayden inauqurasiya çıxışında deyib. "Amerika sınaqdan keçdi və biz daha güclü olduq.

Biz müttəfiqlik münasibətlərimizi bərpa edəcəyik və yenidən dünya ilə qarşılıqlı fəaliyyət göstərəcəyik. Dünənki problemləri həlli üçün yox, bugünkü və sabahkı problemlərin həlli üçün".

"Biz sülh, tərəqqi və təhlükəsizlik naminə güclü və etibarlı tərəfdaş olacağıq".-0-