Bayden və Ərdoğan Madriddə ayrı görüşəcəklər

Vaşinqton/29.06.22/Turan: Çərşənbə axşamı ABŞ prezidenti Co Bayden Türkiyə, Finlandiya və İsveçi üçtərəfli memorandumun imzalanması münasibətilə təbrik edib. Bu, müttəfiqlərə Madriddə keçiriləcək sammitdə Finlandiya və İsveçi NATO-ya dəvət etməyə imkan verir, Turan-ın Vaşinqton müxbiri bildirib.

Bayden öz bəyanatında bildirib ki "tezliklə Şimali Atlantika İttifaqında Finlandiya və İsveçi salamlamağı təmin etmək" üçün NATO-nun baş katibi Stoltenberq, ABŞ-ın müttəfiqləri və Konqreslə işə başlamağı səbirsizliklə gözləyir.

“Ötən ay Ağ Evdə prezident Niinistö və baş nazir Andersonu salamlayarkən dedim ki, ABŞ onların NATO-ya üzvlüyünü qətiyyətlə dəstəkləyir. Finlandiya və İsveç, bütün Transatlantik alyans kimi çox döyüş qabiliyyətli silahlı qüvvələri olan güclü demokratiyalardır.

Ağ Evin məlumatına görə, çərşənbə günü Bayden "Şimali Atlantika Alyansının kollektiv müdafiə və təhlükəsizliyini, həmçinin ikitərəfli münasibətlər üçün vacib olan bir sıra məsələləri müzakirə etmək" üçün prezident Ərdoğanla görüşəcək. Görüş Madriddə yerli vaxtla saat 17:45-də İFEMA-da olacaq. 25B