Bakı/27.09.23/Turan: Çərşənbə günü Azərbaycan və Rusiya Federasiyasının xarici işlər nazirləri Ceyhun Bayramov və Sergey Lavrov arasında telefon danışığı olub.
Rusiya Xarici İşlər Nazirliyinin saytının məlumatına görə, Qarabağdakı vəziyyət, o cümlədən humanitar yardımın göstərilməsi, yerli erməni əhalisinin hüquq və təhlükəsizliyinin təmin edilməsi məsələləri müzakirə edilib.
Bakı və İrəvan arasında sülh müqaviləsinin inkişafı, Ermənistan-Azərbaycan sərhədinin delimitasiyası, nəqliyyat kommunikasiyalarının blokunun açılması ilə bağlı 2020-2022-ci illərdə ən yüksək səviyyədə əldə olunmuş üçtərəfli sazişlərdə nəzərdə tutulan məqsədlərin həyata gerçəkləşdirilməsi yolları nəzərdən keçirilib.
Həmçinin ikitərəfli və regional gündəmdə olan bir sıra mövzulara da toxunulub.
Müxtəlif səviyyələrdə gələcək təmaslar barədə razılığa gəlinib.—06B-
Siyasət
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
Rəy yaz