U.S. President Joe Biden
"Bəsdir, biz sizin üçün gəlirik" - Bayden Putinə
Vaşinqton/02.03.22/ Turan: ABŞ prezidenti Co Bayden çərşənbə axşamı Rusiyanın Ukraynaya müdaxiləsi fonunda ABŞ Konqresinə ilk müraciətini edib, rus oliqarxlarını təqib edəcəyinə söz verib, TURANın Vaşinqton müxbiri xəbər verir.
"Altı gün əvvəl Putin təhdidləri ilə azad dünyanın təməllərini qırmağa çalışdı, lakin o yanıldı" dedi Bayden.
“Əvəzində heç vaxt ağlına da gətirə bilmədiyi divara çırpıldı. Ukrayna xalqı ilə görüşdü...”
Prezident Zelenskidən tutmuş hər bir ukraynalıya qədər onların qorxmazlığı, cəsarəti, qətiyyəti dünyanı ruhlandırır.
“Putin Qərbin və NATO-nun cavab verməyəcəyini düşünürdü, o, bizi Avropada da parçalaya biləcəyini düşünürdü, lakin səhv etdi”, - Bayden deyib.
Bayden Rusiya təyyarələrinin ABŞ hava məkanına uçmasına qadağa qoyub. Baydenin çıxışına bir neçə dəqiqə qalmış “Boeing” rusiyalı tərəfdaşları ilə münasibətləri kəsdiyini bəyan edib.
“Müttəfiqlərimizlə birlikdə ukraynalıları azadlıq uğrunda mübarizələrində dəstəkləyir, hərbi, İqtisadi , humanitar yardım edirik.
“Biz Rusiyanın iqtisadi qüdrətini sarsıdacaq və uzun illər ordusunu zəiflədəcək texnologiyaya çıxışını kəsirik... Bu gecə mən bu qəddar rejimin milyardlarla dollarını mənimsəmiş rus oliqarxlarına və korrupsioner liderlərinə deyirəm: dayanın!”
Baydenin sözlərinə görə, ABŞ Ədliyyə Nazirliyi rusiyalı oliqarxların cinayətlərini araşdırmaq üçün xüsusi əməliyyat qrupu formalaşdırır. “Yaxtalarınızı, lüks mənzillərinizi və şəxsi təyyarələrinizi tapmaq və ələ keçirmək üçün Avropalı müttəfiqlərimizə qoşuluruq”.
“Putin Kiyevi tanklarla mühasirəyə ala bilər, lakin o, heç vaxt Ukrayna xalqının qəlbini və ruhunu qazana bilməyəcək... O, heç vaxt onların azadlıq sevgisini söndürməyəcək. O, azad dünyanın qətiyyətini heç vaxt zəiflətməyəcək.”-0-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz