![Açiq mənbələrdən foto.](https://turan.az/resized/media/2023/main/091300066581-750-500-resize.webp)
Açiq mənbələrdən foto.
Beynəlxalq QHT-lər Qubad İbadoğluna dəstək kampaniyası başladıb
Bakı/13.09.23/Turan: Sentyabrın 12-də Birləşmiş Ştatların paytaxtı Vaşinqton şəhərində hazırda həbsdə olan Azərbaycan Demokratiya və Rifah Partiyasının sədri (ADR) Qubad İbadoğlunun azadlığa buraxılması tələbi ilə aksiya keçirilib. Qubad İbadoğlunun 52 yaşının tamam olması münasibətilə dünya boyu 52 şəhərdə aksiyalar planlaşdırılıb.
Paytaxt Vaşinqtonda Ağ Ev qarşısında toplaşan bir qrup fəal, o cümlədən Qubad İbadoğlunun ABŞ-da təhsil alan oğlu Emin Bayramlı, iqtisadçı alimin dərhal azadlığa buraxılmasını tələb edib.
Vaşinqtonda keçirilən etiraz aksiyasının təşkilatçısı Murad Quliyev bildirib ki, onların məqsədi fərqli insanlar, beynəlxalq təşkilatlar və ələlxüsus da Ağ Evin bu məsələdən xəbərdar olmasını təmin etməkdir.
O, aksiyaların bundan sonra da davam edəcəyini deyib.
"Buradan birbaşa Azərbaycan hökumətinə müraciət etmək istəyirəm ki, biz aksiyaları davam etdirəcəyik. Qubad bəy azad olmayanadək bu aksiyalar durmayacaq", deyə o qeyd edib.
Murad Quliyev etiraz aksiyasının bəyanatını təqdim edib. Həmin bəyanatda aksiyanın "Azərbaycanda avtoritar rejimin cəmiyyətə qarşı inzibati zorakılığına qarşı iradənin ifadəsi" kimi keçirildiyi bildirilir.
"Bu insanlar Azərbaycanda demokratiya və azadlıqlar tələb etdiklərinə görə, birləşmə hüququndan istifadə etdiklərinə görə, söz azadlığını cəmiyyətin təməl hüququ saydıqlarına görə həbs ediliblər", deyə bəyanatda bildirilir.
Bəyanatda xarici hökumətlər və beynəlxaq təşkilatlardan Azərbaycanda demokratiya uğrunda mübarizə aparanlara adekvat münasibət tələb olunub.
"Biz ABŞ hökumətindən, Avropa Birliyindən, eləcə də beynəlxalq insan haqları təşkilatlarından professor Qubad İbadoğlunun və Azərbaycandakı bütün siyasi dustaqların taleyinə biganə yanaşmamağı tələb edirik", deyə Quliyev qeyd edib. 16D
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz