Birləşmiş Millətlər Təşkilatının Azərbaycandakı missiyası və İsrail səfirliyi İkinci Qarabağ Müharibəsi qurbanları ilə bağlı başsağlığı veriblər

Bakı/27.09.22/Turan: Birləşmiş Millətlər Təşkilatının Azərbaycandakı nümayəndəliyi və İsrail səfirliyi Azərbaycanda Anım Günü ilə əlaqədar başsağlığı veriblər.

“Bu gün biz Azərbaycan və Ermənistan arasında baş verən münaqişə nəticəsində həlak olan və yaralananları yad edirik, onların  ailələrinə dərin hüznlə başsağlığı veririk. Birləşmiş Millətlər Təşkilatı Cənubi Qafqazda sülh və dayanıqlı inkişaf məqsədlərinə nail olmaq üçün fəaliyyətini davam etdirəcək”, -  Birləşmiş Millətlər Təşkilatı Azərbaycan nümayəndəliyinin Facebook səhifəsində yaydığı başsağlığında deyilir.

İsrailin Azərbaycandakı səfiri Corc Dik Twitter hesabında yazıb ki, regionda  sülh üçün dua edir.

"Anım Günündə Azərbaycanda və regiondakı dostlarımızla birgə münaqişənin qurbanlarını yad edirik. Onların ailələrinə dərin hüznlə başsağlığı veririk. Biz Cənubi Qafqazda hamının ləyaqətli gələcəyini təmin edəcək sülh üçün dua edirik", - o qeyd edib.-03-