![Biz Azərbaycanın köməyini yüksək qiymətləndiririk, lakin daha çox şey gözləyirik - Zelenski](https://turan.az/resized/media/2022/main/042300043953-750-500-resize.webp)
Biz Azərbaycanın köməyini yüksək qiymətləndiririk, lakin daha çox şey gözləyirik - Zelenski
Bakı/23.04.22/Turan: Azərbaycan Ukraynaya humanitar yardım edir və Rusiyanın Ukraynaya qarşı müharibəsində neytral mövqe tutur. Bu barədə şənbə günü axşam Kiyevdə keçirdiyi mətbuat konfransında Ukrayna prezidenti Vladimir Zelenski bildirib.
“Türkiyə Rusiya ilə danışıqlarda vasitəçilik edən ölkələr arasında lider olmaq istədiyini göstərir. Türkiyə açıq şəkildə deyir ki, Ukraynanın təhlükəsizliyinin təminatçısı olan ölkələr sırasında olmaq istəyir. İndiyə qədər Azərbaycandan bunu eşitməmişəm, amma demək istəyirəm ki, prezident Əliyev həmişə Ukraynanı dəstəkləyib. Humanitar yardımlar, tibbi yardımlar olub. Hesab edirəm ki, bu gün Azərbaycanın Ukraynaya silahla yardım etməsi çətindir. Bunu başa düşmək olar, çünki onların Dağlıq Qarabağ problemi var.
Azərbaycan çox az ölkələrdəndir ki, mövqeyini, neytrallığını başa düşürük, çünki orada yenidən müharibə alovlana bilər. Amma hər halda, biz daha çox şey gözləyirik”, - deyə Zelenski bildirib.
O, müharibə mövzusunu davam etdirərək qeyd edib ki, Rusiya başqa ölkələrin ərazisindəki müharibələrdə belə hərbi vəhşilik nümayiş etdirməyib. Son onilliklərin heç bir müharibəsində belə şey olmayıb.
“Bütün bunları dayandırmaq missiyası ukraynalıların həyatı hesabına Ukraynanın üzərinə düşdü. Ona görə də sizin ölkələr bizə daha çox kömək etməlidir. Çünki sən belə bir ifadə var: Bizimlə bitirib, sizdən yapişacaqlar”. -02D-
-
- Böyük Şərq
- 23 Aprel 2022 21:48
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz