Blinken bu gün Bayramov, Mirzoyanla "çox həssas" diplomatik müzakirələrə başlayacaq
Vaşinqton D.C./27.06.23/Turan: ABŞ dövlət katibi Antoni Blinken gözlənilən üç gün davam edəcək "çox həssas diplomatik müzakirələrə" başlamaq üçün bu gün Bakı vaxtı ilə günorta saatlarında Vaşinqton yaxınlığındakı Dövlət Departamentinin diplomatik obyektində Ermənistanın xarici işlər naziri Ararat Mirzoyan və Azərbaycanın xarici işlər naziri Ceyhun Bayramovla görüşəcək. Bu barədə TURANın Vaşinqton müxbiri xəbər verir.
TURAN daha əvvəl xəbər verdiyi kimi, bağlı qapılar arxasında müzakirələr Dövlət Departamentinin George P. Shultz adına Milli Xarici Əlaqələr Tədris Mərkəzində diqqət mərkəzindən uzaqda keçiriləcək.
Blinken əvvəlcə Mirzoyanla əyləşəcək, sonra - təxminən 40 dəqiqə sonra - Bayramovu ayrıca görüş üçün salamlayacaq.
Bakı vaxtı ilə saat 18:00-da Blinken hər iki nazirlə açılış plenar iclasında iştirak edəcək.
Dövlət Departamentinin sözçüsü Metyu Miller bazar ertəsi keçirilən mətbuat brifinqində TURANın suallarını cavablandırarkən deyib: "Biz danışıqların ...bu həftənin cümə axşamına kimi davam edəcəyini gözləyirik".
Vaşinqtonun bu həftə keçiriləcək danışıqlar üçün hər hansı yeni tövsiyyələri olub-olmadığını soruşduqda, Miller TURANın müxbirinə deyib: "Əlbəttə, müzakirə etmək istədiyimiz bir sıra məsələlər var. Mən onları açıq şəkildə demək fikrində deyiləm. Onlar çox vacibdir. Burada həssas diplomatik müzakirələr aparılacaq”.
Sözçü daha sonra əlavə etdi: "Biz sülhün əlçatan olduğuna inanırıq. Birbaşa dialoq qalan məsələlərin həlli və davamlı və layiqli sülhə nail olmaq üçün açardır".
Blinkenin cümə axşamı, iyunun 29-da nazirlərin görüşünün bağlanış mərasimində iştirakı gözlənilir.
Aleks Raufoğlu
-
- Mədəniyyət
- 27 İyun 2023 09:20
Siyasət
-
8-i Democrat, 2-i Respublikaçı olmaqla 10 ABŞ senatorları - Chris Coons (Delaware.), Tom Tillis (North Carolina), Ben Cardin (Maryland), John Cornyn (Texas), Dick Durbin (Illinois.), Tim Kaine (Virginia), Cory Booker (New Jersey), Mazie Hirono (Hawaii), Alex Padilla (California) və John Fetterman (Pensylvania.) bu gün aşağıdakı bəyanatı yayıb:
-
Azərbaycanda Rusiyanın Dövlət İnformasiya Agentliyinin - RİA-Novosti-nin saytı açılıb.
-
Milli Müdafiə Universitetində Azərbaycanda səfərdə olan Çin Xalq Azadlıq Ordusunun Hərbi Elmlər Akademiyasının nümayəndə heyəti ilə görüş keçirilib.
-
İyulun 23-də Moskvada RF və Azərbaycan XİN başçılarının müavinləri V.Qruşko və S.Şərifovun görüşü keçirilib.
Rəy yaz